Работніца прадпрыемства па вытворчасці хлебабулачных вырабаў у Магілёве атрымала траўмы на працы – з пераломамі рукі яна была дастаўленая ў шпіталь. Жанчына расказала, што пры ўборцы свайго рабочага месца яна ўключыла абсталяванне па падачы нарыхтовак хлеба ў печ, каб ачысціць з валоў наліплае цеста. Аднак у нейкі момант адчула, што яе руку са скрабком зацягвае ў валы. Яна стала крычаць па дапамогу. Калегі, якія прыбеглі на крык, адключылі абсталяванне і выклікалі хуткую. Было ўстаноўлена, што ў парушэнне тэхнікі бяспекі жанчына пры ўборцы рабочага месца запусціла абсталяванне, што катэгарычна забаронена – пішуць “Магілёўскія ведамасці”.
Фота: “Магілёўскія ведамасці”