Супрацоўнік наркашопа быў затрыманы магілёўскімі міліцыянтамі ў Баранавічах. Ім аказаўся 53-гадовы мясцовы жыхар. На інтэрнэт-краму па продажы наркотыкаў ён працаваў прыкладна месяц – паведамляе прэс-служба УУС аблвыканкама. Па месцы жыхарства ён фасаваў псіхатропы на дробныя партыі, якія потым распаўсюджваў праз закладкі на тэрыторыі горада. У тайніках знойдзена і канфіскавана 250 г асабліва небяспечнага псіхатропнага рэчыва 4-СМС. Зараз мужчыне пагражае да 20 гадоў турмы.
Фота: прэс-служба УУС Магілёўскага аблвыканкама, скрыншот