Можна выбраць участак для жылога дома, альбо камерцыйнага аб’екта.
На публічную Кадастравую мапу Беларусі былі дададзеныя новыя слаі для візуалізацыі мясцін, дзе ў Беларусі маюцца даступныя для набыцця зямельныя ўчасткі. Усяго рэестр дадзеных на сённяшні дзень утрымлівае інфармацыю пра 58 тысяч участкаў па ўсёй краіне. Вялікая колькасць прадстаўлена па Магілёўскай вобласці.
База дадзеных падзяляецца на дзве групы – гэта ўчасткі для:
- камерцыйнага выкарыстання;
- жылога будаўніцтва.
Націснуўшы на канкрэтны аб’ект, указаны на мапе, можна атрымаць падрабязную інфармацыю пра прызначэнне ўчастка і яго характарыстыкі. Крыніцай дадзеных з’яўляецца Адзіны рэестр маёмасці.
Для таго, каб пабачыць усе аб’екты на мапе, неабходна выбраць закладку “Дадатковыя слаі”, і паміж пунктамі “Крыніцы” і “Спаленыя вёскі” знайсці пункт “Вольныя зямельныя ўчасткі”. Паведамляецца, што новыя дадзеныя на гэты слой дабаўляюцца кожны дзень.
Нагадаем, што нядаўна З’явіўся адзіны рэестр незанятых зямельных участкаў – пісалі mogilev.media. У пачатку гэтага года ён змяшчаў інфармацыю пра больш як 17 000 вольных зямельных участкаў па ўсёй Беларусі. Зараз гэта ўжо амаль 60 000 аб’ектаў.
Фота ілюстрацыйнае.