Памятную дошку ў гонар першага беларускага патрыярха праваслаўнай царквы ў часы незалежнасці ўсталявалі на гімназіі №3 Бабруйска. З 2023 года гэтая гімназія носіць імя мітрапаліта Філарэта (Вахрамеева).
Мемарыяльную дошку з барэльефам асвяцілі днём 25 снежня, урачыстасці ўзначаліў патрыяршы экзарх Беларусі, мітрапаліт Веніамін – піша bobr.by.
Мітрапаліт Філарэт з’яўляўся прадстаяцелем Беларускай праваслаўнай царквы з 1978 па 2013 год. Пры ім у Еўрапейскім гуманітарным універсітэце ў Мінску адкрыўся курс багаслоўя, пачаліся службы на беларускай мове. Уладыка памёр у студзені 2021 года пасля таго, як быў шпіталізаваны з каранавірусам.
Фота: bobr.by