Выйшаў новы выпуск падкаста “Усход-Захад”, у якім яго вядучыя, краязнаўцы з Магілёва і Горадні Аляксей Бацюкоў і Аляксей Шота абмяркоўваюць спецыфіку сваіх гарадоў. Гэтым разам гаворка ішла пра традыцыю мяняць гарадзенскіх і магілёўскіх чыноўнікаў паміж сабой. Хто з гарадзенцаў найбольш прынёс карысці Магілёву і калі? Што здарылася з старшынёй аблвыканкама Уладзімірам Даманеўскім? Чаму ў 2020 годзе гарадзенскі “губернатар” хадзіў з падбітым вокам? Гэта і не толькі – можна паглядзець у новым выпуску.
Глядзі таксама папярэдні выпуск падкаста, пра Магілёў і Гродна як гарады памежжа.