У Бабруйску прайшло пасяджэнне раённага штабу добраахвотных дружын – піша газета “Трыбуна працы”. Памагатараў міліцыі запрасілі ў раённы аддзел унутраных спраў, каб абмеркаваць графік працы і прачытаць ім лекцыю пра “правы і свабоды грамадзян”. Цікава, што ўсёй публікі на мерапрыемстве, мяркуючы па фота, сабралося ўсяго шэсць чалавек – тры прадстаўніка РАУС і тры дружыннікі, двое з якіх пенсійнага веку, а трэцяя жанчына. Ёй намеснік начальніка аддзела міліцыі Аляксей Стэльмак і ўручыў значок.
Фота: “Трыбуна працы”