Для тых, паедзе на “Купалле” з начлегам, палатка на правым беразе Дняпра будзе забяспечана, але за ёй трэба звяртацца ў райвыканкам.
Купалле ў Александрыі можа зацягнуць так, што і не заўважыш, як наступіць ноч.
Можна, вядома, пайсці шукаць папараць-кветку ў гонар 80-годдзя Перамогі, але лепш не паддавацца на блытаныя ідэалагічныя хітрыкі і паспаць.
Для гэтага ў час рэспубліканскага свята «Купалле» у Шклоўскім раёне зноў адкрываецца палаткавы горад. І не абы-які, а з усімі зручнасцямі.
Як сцвярджае загадчык сектара спорту і турызму шклоўскага райвыканкама Павел Табуноў, тэрыторыя кэмпінга ўжо абкошана.
Больш таго – там будуць разеткі, каб госці мелі магчымасць зарадзіць свае паўэрбанкі і сэлфі-палкі.
Калі раптам камусьці захочацца піць – недалёка ёсць крынічка. Прадуглежданы і біятуалеты.
Нават, калі госць прыезде без сваёй палаткі, яе выдадуць.
Калі летась сюды заехалі каля 20 груп, то сёлета, як лічаць арганізатары, іх будзе яшчэ больш. Але месцаў багата, а палатак у шклоўскім райвыканкаме таксама хапае.
Адзіная дробязь – трэба загадзя звярнуцца у райвыканкам. Бо без гэтага палатку не атрымаеш і прыйдзецца начаваць пад гасцінным александрыйскім небам.
Фота: “Беларусь Сегодня”.