Падлічана медыянная зарплата па Беларусі – Магілёўшчына на дне

На Магілёўшчыне самыя нізкія заробкі ў краіне. Яны складаюць 1046 рублёў «бруднымі», а пасля адлічэння ўсіх падаткаў і выплат, на руках застаецца 900-920 рублёў.

Гэта вынікае з апублікаванага рэйтынгу медыянных заробкаў у Беларусі. Яго абнаўляюць толькі два разы на год: у студзені і ліпені.

Падлік жа медыяннай зарплаты дае больш рэалістычныя сацыялагічныя назіранні, запэўнівае рэсурс banki24.by.

Медыянная зарплата вылічваецца на падставе падзелу ўсіх работнікаў напалам. Паводле размеркавання даходаў, медыянная зарплата заўсёды ніжэй, чым сярэдняя.

На Магілёўшчыне медыянны заробак складае – 1046 рублёў, а пасля выплаты падаткаў працаўнік мае 900-920 рублёў. Разлік сярэдняга заробку па рэгіёну дае больш радасныя лічбы – 1278 рублёў. Розніца між медыянным і сярэднім заробкамі складае 18,1%.

Сярэдняя заработная плана вылічваецца штомесяц і дае слабае ўяўленне пра рэальнае размеркаванне даходаў, паколькі існуе няроўнасць паміж зарплатамі прадстаўнікоў вышэйшых колаў і асноўнай масы.

Для параўнання

Найвышэйшыя медыянныя зарплаты ў Мінску – 1448 рублёў пры сярэдняй 2197. Розніца 34,1% і гэта самы высокі працэнт па Беларусі.

У Віцебскай вобласці медыянны заробак – 1046 рублёў. Сярэдні – 1323 рублі (21%);

У Брэсцкай – 1087 рублёў і 1341 рубель (18,9%);

У Гродзенскай – 1388 рублёў і 1576 рублёў (розніца 21,4%);

У Гомельскай – 1080 рублёў і 1412 рублі (23,5%).