У Мікалаеве, які ад пачатку поўнамаштабнага ўварвання Расіі ва Украіну без бамбаванняў пражыў крыху больш за дваццаць дзён, працуе заапарк. Яму 120 гадоў.
Ён лічыцца найлепшым у краіне. Мае шмат узнагародаў.
Днямі звярынец абвясціў, што ахвотныя могуць падзівіцца на маладняк, які ён разжыўся за час вайны.
За пяць апошніх месяцаў у ім нарадзіліся малпы, каціныя лемуры, леапарды, сервалы, рысі, казярогі, выдры і лама, гаворыцца на старонцы ўстановы ў Фэйсбуку.
Па словах яго кіраўніка, Уладзімера Топчыя, найгоршыя для звярынца былі першыя два дні вайны. Тады не было зразумела, што чакае Мікалаеў, калі ў яго ўвойдуць расіяне. Яны тады былі за дзясятак кіламетраў ад гораду. Каб уратаваць гадаванцаў супрацоўнікі начавалі ў заапарку.
На яго ўтрыманне бракавала сродкаў. Тады Ўладзімер Топчый звярнуўся па дапамогу да народу Ўкраіны і ўсяго свету. Людзі сталі набываць білеты праз інтэрнэт. Тады заапарк быў зачынены для наведвання, а сам горад знаходзіўся пад несупынным абстрэлам.
Рэшткі адной з іх сталі экспанатамі музею ўстановы, а два застаюцца ляжаць на тэрыторыі. Аскепкі яшчэ адной адправіліся ў Германію на антываенную выставу. Яшчэ адной забралі вайскоўцы, бо на выбухоўцы захаваўся блок кіравання і ён меў каштоўнасць для вывучэння.
Уладзімер Топчый кажа, што за пяць месяцаў вайны ўстанова прыстасавалася да небяспечных умоваў працы, прызвычаіліся да паветраных трывог.
Паводле яго ваеннае жыццё звярынца мала, чым адрозніваецца ад будзённасці даваеннага. Супрацоўнікі завіхаюцца з уборкай, кармленнем жывёлаў. Горш стала з падвозам кармоў, вадой і палівам на дастаўку.
У эвакуацыю заапарк не выправіўся, бо, па словах Уладзімера Топчыя, тэхнічна і матэрыяльна гэта было складана арганізаваць. Акрамя таго такая выправа вялікая рызыка для жывёл.
«Куды эвакуяваць велізарную калекцыю? Нам трэба знайсці месца. Мне давялося б кагосьці пакінуць. Як выбраць, каго мы ратуем, хто больш важны і варты жыцця, а каго пакінуць на згубу?», – тлумачыць ён.
З 230 супрацоўнікаў заапарку звольніла каля 30. Восем на перадавой.
Мікалаеўскі звярынец падтрымліваюць кадегі з Берліна, Таліну, Варшавы, Лодзі, Прагі. Еўрапейская асацыяцыя заапаркаў і акварыумаў пералічвае сродкі для заапаркаў Украіны.
«Мы іх ужо размяркоўваем паміж калегамі. Гэта вельмі важна, бо ў заапаркаў на часова акупаваных тэрыторыях грошай зусім няма. Таму мы вельмі ўдзячныя EAZA за падтрымку», падсумоўвае Ўладзімер Топчый.
У публікацыі выкарыстаныя матэрыял з інтэрнэт выданьня lb.ua, а таксама іншых адкрытых у інтэрнэце крыніцаў
Святлана Ціханоўская звярнулася да беларусаў з Велікодным віншаваннем у сваім Тэлеграм-канале. (больш…)
“…Известный древнегреческий мудрец Платон, несмотря на свое величие как философа, всего лишь смог вывести формулу…
У філіяле Беларускага цэментнага завода “Цемагра” перарэзалі чырвоную стужачку на ўрачыстым адкрыцці выгульнай пляцоўкі для…
Mogilev.media сабралі пакуль што самы поўны спіс палітычных зваротаў у КДБ, злітых “Кіберпартызанамі”, у якіх…
Мальчик пережил реанимацию и заново научился ходить. ЧП в детском садике Быхова произошло, когда ребенок…
Крымінальная справа за махлярства ў асабліва буйным памеры ўзбуджаная супраць дзевяці жыхароў абласнога цэнтра. За…