На Магілёўшчыне найменей зарабляюць у Слаўгарадскім, Мсціслаўскім, Чэрыкаўскім раёнах

Сярэдне статыстычны заробак у рэгіёне найменшы ў краіне.

У Магілёўскай вобласці за май пасля адлічэння падаходнага падатку і іншых абавязковых плацяжоў выходзіла 1120 рублёў (407 долараў). На Віцебшчыне сярэдне статыстычны працаўнік за месяц меў на 40 рублёў больш – 1160.

Паводле падлікаў рэсурсу banki24 на Магілёўшчыне найменей зараблялі ў маі працаўнікі Слаўгарадскага раёну. Там за месяц выходзіла – 1026 рублёў.

Крыху больш плацілі ў Мсціслаўскім раёне – 1034 рублёў

Вышэй за Мсціслаўшчыну ўзняўся Чэрыкаўскі раён са сваім сярэднестатыстычным заробкам у 1071 рубель.

На два рублі болей зараблялі ў Круглянскім – 1073 рублі

У Хоцімскім раёне плацілі – 1076 рублёў.

Перакананыя: пабачыўшы такую статыстыку жыхары згаданых раёнаў запыталіся б, а дзе тыя прадпрыемствы з такімі заробкамі.

Каб карціна не выглядала настолькі змрочнай паведамім, што паводле таго ж рэсурсу banki24 на Віцебшчыне працаўнікі Шаркаўшчынскага раёне ў маі зараблялі толькі 999 рублёў.

Для канчатковага супакаення сакавіцкі заробак на Магілёўшчыне быў яшчэ меншым.

Тады працаўнікі Мсціслаўскага раёну мелі – 984 рублёў, Слаўгарадскага – 1002 рублёў, Хоцімскага – 1008 рублёў, а Круглянскага – 1015 рублёў.

фота: novychas.online