Навіны

Інвестар сонечнай электрастанцыі ў Чэрыкаўскім раёне падаў у суд на Лукашэнку

Канфіскаваная дзяржавай сонечная электрастанцыя была самай буйной у Беларусі, інвестыцыі ў яе склалі сотні мільёнаў даляраў.

Грамадзянін Вялікабрытаніі Кіабод Тутанян Машад (Kiabod Tutunian Mashad) выканаў сваю пагрозу падаць іск супраць Беларусі, сцвярджаючы, што дзяржава экспрапрыявала праект сонечнай электрастанцыі пасля адмены льгот па аднаўляльных крыніцах энергіі – піша reform.by.

Адказчыкам выступае Рэспубліка Беларусь, а таксама Аляксандр Лукашэнка, прэм’ер-міністр, міністры замежных спраў, юстыцыі, эканомікі, энергетыкі і старшыня Дзяржкаммаёмасці. Брытанскага фундатара будзе прадстаўляць Princeton Partners LLC (Dubai, UAE) . У якасці падставы для падачы іску ўказана пагадненне Вялікабрытаніі і Беларусі аб садзейнічанні ажыццяўленню і абароне інвестыцый. 

Чэрыкаўская сонечная электрастанцыя была пабудаваная вясной 2022 года і стала самай буйной на тэрыторыі Рэспублікі Беларусь. Інвестыцыйная дамова на яе стварэнне была падпісаная яшчэ ў 2014 годзе. Планавалася, што за год яна будзе выпрацоўваць 137,79 мільёнаў кВт/гадз.

Улетку мінулага года інвестар прапаноўваў ураду Беларусі пачаць мірныя перамовы і даваў тры месяцы на абдумванне. Ён патрабаваў кампенсацыю, роўную поўнаму рынкаваму кошту яго інвестыцый, якая ацэньваюцца ў сотні мільёнаў даляраў ЗША. Беларускія ўлады на перамовы з бізнэсоўцам не пайшлі, канфіскавалі электрастанцыю і выставілі яе на аўкцыён у сакавіку 2024 года са стартавым коштам у 79 751 000 беларускіх рублёў (каля 25 млн даляраў). Аўкцыён не адбыўся, бо ніхто не рашыўся купіць прадпрыемства.

Пазоў накіраваны ў Міжнародны цэнтр па ўрэгуляванні інвестыцыйных спрэчак – гэта адна з аўтаномных міжнародных устаноў, якая, разам з Міжнароднай фінансавай карпарацыяй і Шматбаковым агенцтвам па інвестыцыйных гарантыях і самім Сусветным банкам уваходзіць у Групу арганізацый Сусветнага банка, якая з’яўляецца спецыялізаванай установай ААН.

Фота: “Веснік Чэрыкаўшчыны”

Апошнія навіны

Пад Быхавым паставілі помнік скраблу неандэртальца

У лесе непадалёк ад Быхава ва ўрачыстай атмасферы чыноўнікі адкрылі помнік зробленай 65 гадоў таму…

28 ліпеня, 2025

Горецкая ПМК №1 признала себя банкротом

Горецкая передвижная механизированная колонна №1 обратилась в Экономический суд Могилевской области с заявлением о банкротстве.…

28 ліпеня, 2025

Магілёўскі суд абвясціў старонкі сатырычнага праекта “ЧинЧинЧенал” экстрэмісцкімі

Міністэрства інфармацыі Беларусі ў чарговы раз папоўніла Рэспубліканскі спіс экстрэмісцкіх матэрыялаў. Як паведамляе БАЖ, паводле…

28 ліпеня, 2025

На Асіповіцкім водасховішчы цюбінг адарваўся ад скутэра, двух чалавек шпіталізавалі

На водасховішчы пад Асіповічамі, каля вёскі Цяплухі адбылася аварыя на вадзе. Мясцовы жыхар катаў на…

28 ліпеня, 2025

Быховский жилкомхоз, как кузница кадров для коррупции

На ведомственном сайте быховского райисполкома директором УКП “Быховский жилкомхоз” все еще числится задержанный по подозрению…

28 ліпеня, 2025

Бабруйскі завод выйшаў са сваёй прадукцыяй на Wildberries

Купіць запчасткі да трактара “Беларус” зараз можна нават на маркетплэйсе Wildberries. Там іх размяшчае Бабруйскі…

27 ліпеня, 2025