Навіны

Дрэнны 2022 год на Магілёўшчыне – антыдайджэст

У 2022 годзе на Магілёўшчыне працягваліся палітычныя звальненні і пераслед.

Так, з магілёўскага драматычнага тэатра быў звольнены знакаміты тэатральны дзеяч, актор і рэжысёр Уладзімір Пятровіч, а ў Бабруйску са школы звольнілі настаўніцу за жоўта-блакітныя стужкі ў валасах. 

У Мінску затрымалі “архітэктурнага назіральніка” за Магілёвам Уладзіслава Чаховіча, у Чэрыкаве затрымлівалі сацыял-дэмакрата Дзмітрыя Іванова, у Бабруйску – галоўнага рэдактара “Бабруйскага кур’ера” Анатоля Санаценку, а таксама чалавека, які паставіў лампадкі, у Магілёве – каталіцкага святара Віталя Чабатара. 

Не без палітычнага падтэкста спыніла выхад газета “УзГорак”.

Палітычныя падзеі ў свеце штурхалі магілёўскіх клоўнаў таксама на акцыі перад Польскім домам, а ў Крычаве нібыта сігналізуючы пра неабходнасць спыніць далейшае існаванне Беларусі замалявалі легендарнае графіці

Магілёўскі рэгіён цягам усяго года быў з найменшымі заробкамі ў краіне і ў антылідарах па ўзроўні жыцця

У Чэрыкаўскім раёне ў 2022 годзе прастойвала буйнейшая ў краіне сонечная электрастанцыя, а ў магілёўскай свабоднай эканамічнай зоне запланавалі будаўніцтва яшчэ адной экалагічна небяспечнай вытворчасці.

У Магілёве знішчылі гістарычную забудову першай гарадской бальніцы, экскаватарная археалогія была заўважана ў раёне Падміколля, у Мсціславе патаемна быў знішчаны будынак апошняй сінагогі а ў Бабруйску зруйнавалі знакаміты “храм Бахуса”.

У Магілёве неўпрыкмет зачынілі польскія класы для школьнікаў, і нягледзячы на пагрозу міжнароднага скандалу – яўрэйскую школу.

П’яную цяжарную жанчыну на восьмым месяцы на мотаблоку затрымлівалі пад Бабруйскам, у Магілёў вяртаўся дух дваравых боек сценка на сценку, трэшаком года смела можна назваць стварэнне атрада апалчэнцаў у Клімавіцкім раёне, альбо гісторыю пра магілёўца, які заваліў кватэру бутэлькамі ад “Coca Cola”. 

У Магілёве ў мінулым годзе затрымалі педафіла, што гвалтаваў уласных дзяцей.

У глыбінцы на Магілёўшчыне абдываліся хлебныя войны, у цэнтры Магілёва паставілі знакі платнай паркоўкі, якія так і не запрацавалі, а чыноўнік-карупцыянер у абласным цэнтры атрымліваў павышэнне

Паражэннем года ў спорце стала невыразная гульня магілёўскага “Дняпра”, які так і не змог падняцца з ніжэйшага радка першынства краіны па футболе.

У Бабруйску пад пагрозай знішчэння апынуўся дуб-волат.

Апошнія навіны

Магілёўскі суд абвясціў старонкі сатырычнага праекта “ЧинЧинЧенал” экстрэмісцкімі

Міністэрства інфармацыі Беларусі ў чарговы раз папоўніла Рэспубліканскі спіс экстрэмісцкіх матэрыялаў. Як паведамляе БАЖ, паводле…

28 ліпеня, 2025

На Асіповіцкім водасховішчы цюбінг адарваўся ад скутэра, двух чалавек шпіталізавалі

На водасховішчы пад Асіповічамі, каля вёскі Цяплухі адбылася аварыя на вадзе. Мясцовы жыхар катаў на…

28 ліпеня, 2025

Быховский жилкомхоз, как кузница кадров для коррупции

На ведомственном сайте быховского райисполкома директором УКП “Быховский жилкомхоз” все еще числится задержанный по подозрению…

28 ліпеня, 2025

Бабруйскі завод выйшаў са сваёй прадукцыяй на Wildberries

Купіць запчасткі да трактара “Беларус” зараз можна нават на маркетплэйсе Wildberries. Там іх размяшчае Бабруйскі…

27 ліпеня, 2025

Могилевский облсуд вспомнил о Декларации независимости Беларуси

Могилевский облсуд неожиданно вспомнил о том, когда была провозглашена независимость современной Беларуси. Подача информации о…

27 ліпеня, 2025

У Магілёве заезжыя расіяне праславяць Пятра I, які спаліў горад

Маскоўскі тэатр "Собор" пакажа магілёўцам спектакль пра расійскага цара Пятра І, замоўчваючы пра яго зверствы…

27 ліпеня, 2025