Вечарам 9 жніўня 2020 года пасля закрыцця выбарчых участкаў у шматлікіх гарадах Беларусі пачаліся стыхійныя акцыі пратэсту. У Магілёве жыхары горада збіраліся на плошчы каля “Атрыўма”. Сотні чалавек запоўнілі цэнтр горада. Тут і пачаліся першыя затрыманні.
На плошчы, якую потым назавуць “плошчай Адзінства” вечарам 9 жніўня затрымалі каля дзясятка чалавек. Пратэстоўцы, рассеяныя па бліжэйшых вуліцах і дварах, спарадычна збіраліся ў невялікія групы і апладзіравалі ў далоні, альбо крычалі Жыве Беларусь!”. Міліцыянты ў поўным абмундзіраванні шэрэнгамі хадзілі па вуліцах і зрэдчас накідваліся на выпадковых мінакоў, збіваючы іх і затрымліваючы. Наэлектрызаваныя, гараджане палівалі іх крыкамі і лаянкай. З вокан навакольных дамоў увесь вечар можна было чуць крыкі жыхароў, назадаволеных дзеяннямі міліцыі. Атмасферу гэтага дня і вечара – глядзіце ў нашай невялікай відэападборцы.
Адначасова сілавікі палявалі за актывістамі на выбарчых участках. Так, назіральніка Паўла Мельянцава і яго калегу некалькі АМАПАўцаў арыштавалі вечарам 9 жніўня адразу пасля заканчэння працы выбарчых участкаў. Затрыманых, прычым, павезлі не ў магілёўскі ІЧУ, а ў Шклоў – улады відавочна рыхтаваліся да далейшых зачыстак Магілёва.
Некаторых іншых актывістаў затрымалі яшчэ за некалькі дзён да выбараў. Так, яшчэ 5 жніўня сілавікі затрымалі журналіста партала 6tv.by Аляксандра Буракова і праваабаронцу Аляксандра Хамратава. А калі ў той жа дзень да будынка Ленінскага РАУС падыйшоў яшчэ адзін журналіст, Уладзімір Лапцэвіч, то арыштавалі і яго. Непасрэдна перад пачаткам галасавання затрыманы быў і галоўны рэдактар 6tv.by Зміцер Салаўёў.
Усяго ў першы дзень пратэстаў у Магілёве, паводле прыблізных падлікаў праваабаронцаў, было затрымана каля 300 чалавек. У наступны дзень, 10 жніўня – яшчэ каля 30. А ўсяго з 9 па 11 жніўня паводле падлікаў цэнтра “Вясна” – каля 500.
Фота і відэа: mogilev.media і з адкрытых крыніц.
Административная комиссия при климовичском райисполкоме наказала штрафом в 210 рублей местного парня, учащегося колледжа, обвинив…
Очередной злобный опус в адрес Польши выпустила в этот раз главная могилевская городская газета “Вестник…
Водители автобусов, подвозящих детей в сельские школы, пожаловались на постоянные переработки и бесплатные сверхурочные. Как…
У Магілёўскай і Гарадзенскай абласцях за апошнія дні 16 чалавек кантактавалі з жывёламі, хворымі на…
Журналистка сходила на рынок по улице Островского в Могилеве, чтобы выяснить, что предлагают продавцы и…
Крыніцы mogilev.media паведамляюць, што ў абласным цэнтры пачалася кампанія па запалохванні людзей, што карыстаюцца такімі…