навіна дня

З-за санкцый тэкстыльным флагманам Магілёўшчыны прыйдзецца шукаць новы фармат працы

Цяпер не тканіны, а гатовая вопратка – пад ціскам санкцый магілёўскі “Магатэкс” і Бабруйская швейная фабрыка павінны працаваць па-новаму. У гэтым перакананая старшыня канцэрна “Беллегпрам” Таццяна Лугіна.

Калі ў ранейшыя некалькі дзесяцігоддзяў тэкстыльныя прадпрыемствы Беларусі рабілі стаўку на выпуск тканін, то апошнія два гады абставіны прымушаюць прадпрыемствы Магілёўшчыны ісці на стратэгічную трансфармацыю. І справа тут у страце высокамаржынальных (гэта значыць, з вялікай даходнасцю) пляцовак у Заходняй Еўропе і Украіне. З такой заявай выступіла кіраўнік “Беллегпрама” ў сваім інтэрв’ю часопісу “Эканоміка Беларусі”.

“Мы ўжо пачалі структурны зрух да рэалізацыі не тканіны, а гатовых вырабаў” – заявіла Таццяна Лугіна. Перад “Магатэксам”, у якога тры швейныя ўчасткі ў Полацку, Брэсце і Магілёве, стаіць задача пашыраць пашывачныя ўчасткі праз кіраванне або аб’яднанне дзяржактываў. Прыйдзецца мяняць фармат швейным фабрыкам у Жлобіне, Навагрудку і Бабруйску, якія працуюць пераважна на расійскіх давальніцкіх заказах. Яны павінны будуць увайсці ў кааперацыю з буйнейшымі брэндамі.

Паміж радкамі гэтага паведамлення чытаецца сур’ёзная праблема, з якой сутыкнулася лёгкая прамысловасць краіны, і ў прыватнасці, Магілёўшчыны, пасля ўвядзення супраць Беларусі санкцый за саўдзел у расійскай ваеннай агрэсіі супраць Украіны. Ці справіцца гэтая галіна з выклікам – сказаць цяжка. З аднаго боку, санкцыі маюць для Беларусі адзін відавочны плюс – для нашых прадпрыемстваў распахнуўся расійскі рынак, на якім знізілася канкурэнцыя і вырас попыт на беларускія тавары як на прыймальны варыянт для імпартазамяшчэння. З другога боку, існуе вялікая розніца ў патрабаваннях, якія прад’яўляе рынак тым, хто вырабляе тканіны і тым, хто вырабляе гатовую вопратку. Здаецца, не столькі дзякуючы якасці тканіны выйшлі на сусветны алімп “Armani”, “Pierre Cardin” і іншыя “Calvin Klein”.

Фота: fezmogilev.by

Апошнія навіны

В Быховском районе найдены останки 31 солдата Красной Армии

На территории Быховского района прошла масштабная вахта памяти. В результате поисковых работ были обнаружены останки…

29 ліпеня, 2025

Внутренние войска, расчеты ВВС и ПВО рвутся убирать урожай под Шкловом

Армия выдвигает личный состав для помощи аграриям в жатве. Особенно почетно биться за урожай на…

29 ліпеня, 2025

Пад Быхавым паставілі помнік скраблу неандэртальца

У лесе непадалёк ад Быхава ва ўрачыстай атмасферы чыноўнікі адкрылі помнік зробленай 65 гадоў таму…

28 ліпеня, 2025

Горецкая ПМК №1 признала себя банкротом

Горецкая передвижная механизированная колонна №1 обратилась в Экономический суд Могилевской области с заявлением о банкротстве.…

28 ліпеня, 2025

Магілёўскі суд абвясціў старонкі сатырычнага праекта “ЧинЧинЧенал” экстрэмісцкімі

Міністэрства інфармацыі Беларусі ў чарговы раз папоўніла Рэспубліканскі спіс экстрэмісцкіх матэрыялаў. Як паведамляе БАЖ, паводле…

28 ліпеня, 2025

На Асіповіцкім водасховішчы цюбінг адарваўся ад скутэра, двух чалавек шпіталізавалі

На водасховішчы пад Асіповічамі, каля вёскі Цяплухі адбылася аварыя на вадзе. Мясцовы жыхар катаў на…

28 ліпеня, 2025