Чакаецца, што амністыю абвясцяць да Дня народнага адзінства, які адзначаецца 17 верасня.
Паводле Генеральнага пракурора Андрэя Шведа, пад амністыю могуць трапіць 8 тысяч чалавек, а паводле Міністра ўнутраных справаў Івана Кубракова іх будзе 8,5 тысяч.
Андрэй Швед кажа, што на амністыю могуць разлічваць толькі тыя, хто раскаяўся, усвядоміў і лічыць магчымым звярнуцца да Лукашэнкі з просьбаю аб памілаванні.
«Говорка пра прыкладна ад 8 тысяч чалавек і вышэй. Гэта як класічныя падыходы, якія тычацца вызвалення ад адказнасці інвалідаў, шматдзетных, адзінокіх маці і гэтак далей, так і асоб, якія ўчынілі іншыя злачынствы», – цытуе Генеральнага пракурора інфармацыйная агенцтва «БЕЛТА».
Па яго словах у 2019-2020 гадах пад амністыю трапілі больш за 30 тысяч асуджаных. Частку з іх вызвалілі з месцаў пазбаўлення волі, а камусьці скарацілі на год тэрмін пакарання.
Міністр Іван Кубракоў кажа, што амністыю мяркуецца «выкарыстаць да катэгорыі грамадзян, якія не ўчынілі цяжкіх злачынстваў, раскаяліся і, да якіх няма пытанняў у адміністрацыі калоніяў, дзе яны адбываюць пакаранне».
«Прыкладная лічба на сённяшні дзень, да якіх можа быць ужыты акт амністыі, – 8500 чалавек. Гэта, вядома, недзе ў два разы больш, чым тая, якая была ў 2020 годзе», – даводзіць ён.
Паводле Кубракова, амніставаць збіраюцца асуджаных за незаконнае абарачэнне наркотыкаў і ўчынілі злачынствы ў непаўналетнім узросце. Такіх на сённяшні дзень 95 чалавек.
Акрамя таго, па словах Кубракова, амніставаць збіраюцца асуджаных за карупцыйныя злачынствы, якія раскаяліся і кампенсавалі нанесеную дзяржаве шкоду.
Паводле Вольгі Чупрыс, намесніцы кіраўніка Адміністрацыі Лукашэнкі, законапраект аб амністыі яшчэ адсутнічае.
У 2020 годзе амністыю прымеркавалі да 75-годдзя Перамогі. Пад яе трапілі больш за 11 тысяч чалавек. На волю вышлі каля 2,6 тысяч асуджаных. Для больш як 4,5 тысяч скарацілі тэрміны пакарання.
Задолженность по «коммуналке» есть у 1157 жителей Кричева. Им вручили предупреждения. Общий долг кричевлян за…
На мероприятии, посвященном 1 мая и прошедшем в апреле, в Хотимске собрались молодые работники АПК…
Рэдкі выпадак аварыі на трасе М4 з удзелам жывёлы адбыўся ноччу 28 красавіка. Жыхар Чэрвенскага раёна, едучы…
Трагедыя адбылася вечарам 26 красавіка ў Быхаве на вуліцы Шчорса. Тут загарэўся нежылы дом, а…
“Суполка ананімных хактывістаў” паведаміла пра ўзлом сайта КДБ 26 красавіка. Яны заявілі, што афіцыйны сайт…
Прочитал в «Фэйсбуке» пост минчанки, которая живет в Польше. Девушка пишет, что ее родственники беспокоятся…