Магілёўскі абласны драматычны тэатр і тэатр імя Дуніна-Марцінкевіча з Бабруйску паказваюць у захопленым групоўкай «ЛНР» украінскім Луганску спектаклі. Тым часам, Расея амаль два месяцы вядзе супраць Украіны поўнамаштабную вайну. Свет шакаваны ваеннымі злачынствамі расейскіх салдат супраць цывільнага насельніцтва краіны. У баявых дзеяннях супраць Украіны ўдзельнічаюць і мабілізаваныя жыхары Луганшчыны.
Дзве пастаноўкі беларускіх тэатраў пазначаныя ў праграме міжнароднага онлайн-фэстывалю «Госпожа удача». Яго праводзіць Міністэрства культуры непрызнанай Беларуссю ЛНР ды Луганскі рускі драматычны тэатр.
Большасць яго ўдзельнікаў тэатры з Расеі. Тэатры з Магілёўшчыны ў афішах не пазначаныя, што яны з Беларусі. На афіцыйных сайтах гэтых установаў няма згадкі пра ўдзел у фестывалі іхных спектакляў. Спраўдзіць, ці сапраўды ў Луганску беларускія тэатры паказваюць пастаноўкі не ўдалося.
Як вынікае з фестывальнага дзённіка кожны ўдзельнік атрымае ліст падзякі, у якім сярод іншага напісана «за фармаванне станоўчага культурнага іміджу Луганскай Народнай Рэспублікі, а таксама пашырэнне міжнародных узаемаадносінаў у сферы культуры».
Пра стварэнне «ЛНР» у 2014 годзе заявілі прарасейскія сепаратысты, узяўшы пад кантроль частку тэрыторыі Луганскай вобласці Ўкраіны. 22 лютага 2022 году прэзідэнт Расеі Уладзімер Пуцін заявіў, што Масква прызнала гэта дзяржаўнае ўтварэнне. Праз два дні пачалася поўнамаштабная агрэсія Расеі супраць Украіны, якая трывае дагэтуль. Супраць Украіны ваююць у тым ліку і мабілізаваныя жыхары Луганскай вобласці, якія трапіўшы ў палон, прызнаваліся, што на вайну іх адправілі супраць іхнай волі.
У роліку, змантажаванаму да адкрыцця фестывалю, міністр Культуры ЛНР Дзмітрый Сідараў прызнае, што «нашы хлопцы» ваююць, але не кажа супраць каго. Па ягоных словах «фестываль дае магчымасць адцягнуць увагу ад баявых дзеянняў, складанай цяперашняй сітуацыі і натхніць на новыя перамогі».
Афіцыйны Мінск заяўляе, што Беларусь не ўдзельнічае ў вайне, разам з тым з яе тэрыторыі расейскія войскі ўварваліся ва Ўкраіну. Многія экспэрты лічаць Беларусь саўдзельніцай поўнамаштабнай агрэсіі супраць суседняй краіну.
фота: unn.com.ua
Сёння праваабарончая супольнасць Беларусі прызнала палітзняволенымі яшчэ 20 чалавек. Сярод іх магілёвец Віталь Чавусаў. Акрамя…
В этом году БГСХА стала одним из двух вузов Беларуси, где вынуждены объявить дополнительный набор…
Па рашэнні пракуратуры Магілёўскай вобласці ў Беларусі заблакавалі сайты праваабарончых праектаў "Праваабаронцы супраць катаванняў" і…
Строящийся на гранты ЕС объект в Быховском районе кормит не только сотрудников, но и массу…
Тайна качества знаменитой смаженка из Кировска кроется в том, чтобы не соблюдать традиции райпо, а…
Всплывают новые подробности урагана, натворившего дел в Могилевской области. Есть среди них и курьезный случай,…