навіна дня

Сілавікі паказалі відэа з Сабалеўскім, запісанае пад катаваннямі

Тэлеграм-канал магілёўскіх сілавікоў апублікаваў відэазапіс з удзелам магілёўскага блогера, фатографа і былога журналіста Алеся Сабалеўскага.

Як паведамлялі mogilev.media, гэты ролік быў запісаны пасля затрымання Сабалеўскага ў пачатку снежня 2023 года. Крыніцы выдання распавялі, што было дзве спробы запісаць відэа. Падчас першага дублю Алесь Сабалеўскі аб’ектыўна расказваў пра сваё супрацоўніцтва з рэдакцыяй рэсурса 6tv.by. У 2020 годзе ён рабіў інфармацыйныя матэрыялы для Youtube-канала 6tv.by, у тым ліку здымаў масавыя вулічныя акцыі пратэсту ў Магілёве. 

На час выканання сваіх журналісцкіх функцый Сабалеўскім, рэсурс 6tv.by меў афіцыйную дзяржаўную рэгістрацыю і працаваў у Беларусі на законных падставах. Пасля 2020 года Алесь Сабалеўскі адышоў ад журналісцкай дзейнасці і перайшоў працаваць у прыватную камерцыйную арганізацыю. На момант затрымання сілавікамі ў снежні 2023 года ён займаў пасаду дырэктара фірмы па здачы ў арэнду прычэпаў для аўтамабіляў. 

Супрацоўнікам ГУБАЗіК, якія праводзілі здымкі роліка, не спадабаліся фармулёўкі, з якіх вынікае законнасць і абгрунтаванасць дзеянняў Сабалеўскага ў 2020 годзе. Ён быў моцна збіты. Як паведамляюць сведкі, на целе былога журналіста яшчэ доўгі час заставаліся крывападцёкі. Пасля збіцця Сабалеўскага прымусілі запісаць новае відэа, у якім ён выкарыстоўвае прадыктаваныя сілавікамі словы. Характэрна, што ў адным з момантаў Алесь прагаворваецца, што супрацоўнічаў з 6tv.by да 2020 года, а потым “папраўляецца”, што да “цяперашняга часу”, такім чынам агаворваючы сябе.

Апошнія навіны

Анатоль Ісачанка сабраўся будаваць на Магілёўшчыне DOTA-цэнтры

Кіраўнік Магілёўскага аблвыканкама падчас выступу перад журналістамі зрабіў анонс інавацыі, у якой ён сам, гледзячы…

24 сакавіка, 2025

З’явілася відэа з пралётам “шахеда” над Магілёвам учора вечарам

Чытачы mogilev.media даслалі ў рэдакцыю кароткі ўрывак з відэа, знятага падчас пралёту "шахеда" ўчора вечарам у…

12 сакавіка, 2025

Над Магілёвам праляцеў дрон-камікадзэ, паведамляюць чытачы

Баявы дрон, які па гуку нагадвае расійскія "шахеды", некалькі хвілін таму быў заўважаны ў небе…

11 сакавіка, 2025

Аляксандра Студнева перавялі на пасаду міністра будаўніцтва

Старшыня Магілёўскага гарвыканкама Аляксандр Студнеў быў прызначаны на пасаду міністра архітэктуры і будаўніцтва. Пасаду магілёўскага…

4 сакавіка, 2025

Рэлігійны пост – у чым яго карысць і магчымая шкода

Ад заўтрашняга дня пачынаецца Вялікі пост у праваслаўных, які завяршыцца святкаваннем Вялікдня 20 красавіка. Каталікі…

2 сакавіка, 2025

Якое надвор’е чакае нас гэтай вясной

На Магілёўшчыне сёлета незвычайна цёплая зіма скончылася зацяжным пахаладаннем. Трывалы мінус працягваецца ў нашым рэгіёне…

1 сакавіка, 2025