Навіны

Штучная дата, але сьвята патрэбнае Магілёву – апытанка Магілёў.media у афіцыйны Дзень Незалежнасці

Дзень незалежнасці ў Магілёве праходзіў сёлета традыцыйна: мітынг, канцэрты, кірмаш, сямейнае свята, спяванне гімна, феерверк. Тэма дзяржаўнасці ў цэнтры свята, але вонкава знайсці яе адлюстраванне не так проста. 

Фотарэпартаж з гушчару падзей з рэплікамі магілёўцаў.

Свята распачалося з афіцыйнага мітынгу на  Мемарыяльным комплексе ”Буйніцкае поле”. Нічога новага ці адметнага там не было. Адабраныя прадстаўнікі калектываў выявілі вытрымку, перамогшы спёку. Цікавасці магілёўцаў у апошнія гады да падобных акцый не назіраецца. 

Цікавасць, хаця і не ажыятаж, выклікала культурная праграма. Шмат было канцэртаў.

На плошча Адзінства, якая насупраць гарвыканкаму, выступалі народны аркестр рускіх народных інструментаў Магілёўскага дзяржаўнага каледжа мастацтваў і творчы калектыў школ мастацтваў. Іх канцэрт называўся “Табе нашы песні, родная Беларусь!”.

Магілёўскі краязнаўца: “Дата канечне за вушы прыцягнутая да незалежнасці нашай краіны. Гэта дзень вызвалення ад фашыстаў і не болей. А вось само свята патрэбнае. Не было б незалежнасці нашы хлопцы ўжо б у трунах з Украіны вярталіся. Пахаванні праходзілі б штодня, ну ці праз дзень…” 

Выстава-кірмаш “Горад майстроў” правялі ў тэатральным скверы. Далей пешаходнай вуліцай быў канцэрт “Квітней, мая Беларусь!”. Ён праходзіў на пляцоўцы насупраць музею Бялыніцкага-Бірулі. Далей зноў канцэрт. Гэтым разам Нацыянальнага акадэмічнага канцэртнага аркестра Беларусі. Яго выстапленне называлася “Беларусь – мая краіна”. Яго арганізавалі на  згаданай плошчы Адзінства.

Пенсіянер, былы дырэктар саўгаса: “Чым глыбейшы крызіс, тым больш святаў. Усё робіцца, каб людзям лягчэй пражыць цяжкія часы. Карацей, каб менш думалі пра эканоміку”. 

Ягоная жонка: “А мне падабаецца. Тым, хто ў горадзе застаўся, было куды пайсці. І пра ўсе гэтыя жахі менш думаеш”. 

Ідзем да Дняпра спускаемся у гарадскі парак Падміколле і трапляем на агульнагарадскае сямейнае свята “Мы – дзеці твае, Беларусь!”.

Таццяна – жыхарка з цэнтру: Усе было б добра, але тыдзень гэта слухаць, то занадта. Яны ж ужо колькі дзён рэпетуюць. Аглохнуць можна было ад паўтораў.

На фінішную прамую свята выйшла ў скверы 40-годдзя Перамогі. Там імпрэзай з жывой музыкай стваралі гараджанам “Святочны настрой”.

Былы актор тэатру: Свята не вельмі. А ўчора, дык увогуле магла быць паніка. Рэжысёры арганізавалі імітацыю бою з выбухамі і стралянінай. Гледачы некаторыя рэальна перапалохаліся. У сённяшніх умовах гэта было неабачліва.

Завяршацца ўрачыстасці позна ўвечары на плошчы Славы агульнарэспубліканскай акцыяй “Праспяваем гімн разам!” і феерверкам.

 

Апошнія навіны

По дорогам хотимского агрогородка Березки теперь можно передвигаться в любую погоду

Сразу две новости в Хотимске: район занесен на областную доску почета за успехи в социально-экономическом…

29 ліпеня, 2025

В Быховском районе найдены останки 31 солдата Красной Армии

На территории Быховского района прошла масштабная вахта памяти. В результате поисковых работ были обнаружены останки…

29 ліпеня, 2025

Внутренние войска, расчеты ВВС и ПВО рвутся убирать урожай под Шкловом

Армия выдвигает личный состав для помощи аграриям в жатве. Особенно почетно биться за урожай на…

29 ліпеня, 2025

Пад Быхавым паставілі помнік скраблу неандэртальца

У лесе непадалёк ад Быхава ва ўрачыстай атмасферы чыноўнікі адкрылі помнік зробленай 65 гадоў таму…

28 ліпеня, 2025

Горецкая ПМК №1 признала себя банкротом

Горецкая передвижная механизированная колонна №1 обратилась в Экономический суд Могилевской области с заявлением о банкротстве.…

28 ліпеня, 2025

Магілёўскі суд абвясціў старонкі сатырычнага праекта “ЧинЧинЧенал” экстрэмісцкімі

Міністэрства інфармацыі Беларусі ў чарговы раз папоўніла Рэспубліканскі спіс экстрэмісцкіх матэрыялаў. Як паведамляе БАЖ, паводле…

28 ліпеня, 2025