Памёр вядомы магілёўскі актывіст, палітык Аляксандр Сілкоў

Сёння раптоўна пайшоў з жыцця Аляксандр Сілкоў – адзін з лідараў магілёўскага дэмакратычнага руху. Інфармацыя пра смерць 55-гадовага актывіста з’явілася ў сацыяльных сетках, і неўзабаве яе пацвердзіла родная пляменніца Аляксандра на яго старонцы ў Facebook.

Аляксандр Сілкоў быў актыўным удзельнікам дэмакратычнага руху ў Магілёўскім рэгіёне, а ініцыятыва па маніторынгу за выбарачным працэсам, якой ён кіраваў, ахоплівала ўсю Беларусь.
“Алесь быў адным з самых аптымістычных, бадзёрых і пазітыўных людзей” – дзеляцца сваімі ўражаннямі пра раптоўную смерць палітыка яго блізкія і сябры. “Алесь шчыра верыў у дэмакратычную будучыню Беларусі, быў з тых, хто падтрымліваў словам і справай сяброў і паплечнікаў.”