Раман Галоўчанка заяўляе, што Беларусь «мае намер адказаць люстэркава на агрэсіўныя дзеянні эканамічнага кшталту з боку недружалюбных краін». Са словаў урадоўцы вынікае, што ўсё «будзе цывілізавана»: іхную уласнасць, якая знаходзіцца ў Беларусі, могуць забраць. Сярод такіх краінаў згадваюцца Літва і Латвія.
Незадаволенасць беларускага боку выклікана, як заяўляецца, «фактычным пазбаўленнем уласнасці». Аляксандр Лукашэнка патрабуе, каб былі ўжытыя захады супраць Літвы, яка нібыта прысабечыла 30 працэнтаў акцыяў клайпедскага тэрміналу сыпкіх грузаў.
“Мала таго, што гэтыя санкцыі незаконна ўвялі, дык яшчэ і фактычна забралі нашу ўласнасць” – казаў Лукашэнка, словы якога падавала БелТА.
На ягоныя словы Галоўчанка адрэагаваў сваім «Отжали».
Чыноўнік заяўляе, што ўжо пачалася “прэтэнзійная праца”. Паводле яго, дзеянні «недружалюбных» краін “фактычна нам перашкаджаюць рэалізоўваць свае камерцыйныя інтарэсы”, піша БелТА.
“Нашы меры ў адказ цяпер рыхтуюцца. – даводзіць Галоўчанка – Таксама ўсё будзе цывілізавана. Уся ўласнасць і юрыдычных, і фізічных асоб недружалюбных дзяржаў Рэспубліцы Беларусь вядома, яна падлічана”, – кажа Галоўчанка.
Чыноўнік запэўнівае, што ніякіх агрэсіўных дзеянняў з беларускага боку не будзе.
«Але калі ў адносінах да нас ужываюць агрэсіўныя дзеянні эканамічнага кшталту, вядома ж, мы маўчаць не будзем. Як мінімум гэта будуць люстэркавыя рашэнні. Але да апошняга будзем заклікаць да голасу розуму», – выказваецца Галоўчанка.
30 працэнтаў акцыяў клайпедскага Тэрміналу насыпных грузаў беларускі вытворцаў угнаенняў “Беларуськалій” купіў у галоўнага акцыянера прадпрыемства Ігара Удавіцкага ў 2013 годзе.
Праблема з транзітам беларускага калію праз Літву з’явілася з-за прынятых у жніўні 2021 году амерыканскіх санкцый супраць “Беларуськалія”, якія ў адрозненні ад еўрапейскіх, датычацца ўсёй прадукцыі кампаніі. Баючыся механізму “другасных санкцый” ЗША літоўскія ўлады спынілі транзіт беларускага калію.
У адным з інтэрвʼю эканамічны аглядальнік Таццяна Манёнак адзначыла, што сітуацыя адчувальная для абедзвюх краін, паколькі лагістычны ланцужок праз Літву быў самым зручным і бакі будавалі доўгатэрміновыя планы.
«Нагадаю, што “Беларуськалій” зʼяўляецца ўладальнікам 30% тэрміналу ў Клайпедскім порце – не зразумела, як будзе вырашана гэтая праблема. Ды і мы разумеем, што калі беларускія ўгнаенні сыдуць з Клайпедскага порта, то сыдуць назаўжды, ва ўсякім разе пакуль такая палітычная сітуацыя ў Беларусі складваецца».
Адказаць «сіметрычна» на спыненне Літвой транзіту беларускага калію Мінск абяцаў на пачатку 2022 году, яшчэ да поўнамаштабнай вайны ва Ўкраіне. Беларускія чыноўнікі спадзяваліся на ўрэгуляванне праблемы наладжваннем дыялогу.
Санкцыі ЗША былі ўведзеныя супраць Беларусі за дзеянні рэжыму Лукашэнкі, якія амерыканскі бок ахарактарызаваў, як надзвычайныя і выключныя пагрозы нацыянальнай бяспецы і знешняй палітыцы Злучаных Штатаў.
Mogilev.media выявілі яшчэ аднаго адносна вядомага ў горадзе чалавека, які пісаў даносы на электронную пошту…
Аляксей Катарскі з Бабруйска – ці не адзіны ў Беларусі прыватны ўласнік браніраванага пазадарожніка. Але…
Требовал возбуждать уголовные дела против оппозиции, вдохновлялся полуоккультными теориями. Все новые факты о могилевчанах-стукачах обнаруживаются…
Учебный сбор с военнообязанными территориальных войск пройдет на Быховщине. Силы быховской территориальной обороны начнут отражать…
Среди обращений граждан в КГБ, как стало известно из слива белорусских Wikileaks, есть огромное письмо…
Так-так, мы праглядзелі ўсе 40 000 “даносаў”, злітых Кіберпартызанамі з сайта КДБ. Адразу трэба адзначыць,…