На пустыры каля возера ў раёне вуліц Кавалёва і Сормаўскай ужо неаднаразова спрабавалі высадзіць саджанцы ліпы і бярозы, каб стварыць паркавую зону. Але кожны раз беспаспяхова – піша “Веснік Чэрыкаўшчыны”.
Пяць гадоў таму саджанцы ліпы тут высаджвалі пад кіраўніцтвам намесніка старшыні райвыканкама. Аднак сюды прызвычаілася вадзіць пасвіцца свой статак коз мясцовая жыхарка з дому непадалёк. Жывёлы аб’елі парасткі і яны засохлі.
Увосень 2021 года мясцовы жыхар Віктар Раманаў, кіраўнік грамадскага аб’яднання, паспрабаваў высадзіць парк у другі раз – саджалі ліпу і бярозу. “Прыкладна праз тыдзень пасля пасадкі, некалькі дзясяткаў саджанцаў былі вырваныя з каранямі. – распавёў выданню Віктар Раманаў – На наступны год на месцы пасадкі засталося каля 10 саджанцаў, астатніх нават выдранымі не аказалася.”
Сёлета з тых дзесяці, што выжылі, палову проста скасілі падчас чарговага абкосу дарожных узбочын.
Намеснік старшыні райвыканкама, які курыруе пытанні будаўніцтва і жыллёва-камунальнай гаспадаркі, Дзмітрый Клімянкоў выказаў таксама здагадку, чаму маглі быць павыдзіраныя саджанцы 2021 года.
– З вопыту скажу: часам мы сутыкаемся з тым, што грамадзяне ўносяць прапанову аб азеляненні таго ці іншага ўчастка ў горадзе або іншых населеных пунктах раёна, але, як высвятляецца пазней, у гэтых месцах пралягаюць рознага роду камунікацыі, якія не сумяшчальныя з пасадкамі дрэў. Наколькі мне вядома, у месцы, аб якім ідзе гаворка, таксама пралягаюць лініі сувязі, на вызначанай адлегласці ад якіх не могуць быць пасаджаны і расці дрэвы. Дадзенае патрабаванне павінна абавязкова выконвацца.
Раённае чынавенства паабяцала вызначыцца – ці можна наогул разбіваць парк у раёне возера, і калі можна, то паспрабаваць яшчэ разок наступнай восенню.
Фота: “Веснік Чэрыкаўшчыны”
Семаглутыд – прэпарат для зніжэння вагі і барацьбы з дыябетам – дэманструе выдатныя вынікі па…
39-гадовы інжынер птушкафабрыкі ў Шклове на працягу некалькіх месяцаў выкрадаў з інкубатарнай сутачных куранятак-бройлераў і…
Двухпавярховы склад з часткай абарончага вала Бабруйскай крэпасці выстаўлены на аўкцыён. Пасля продажу двух складоў…
Падчас спальвання смецця жыхаром вёскі Лубнішча Магілёўскага раёна пацярпеў яго сын 2015 года нараджэння. Як…
Магілёўскі прадпрымальнік Павел Макаранка атрымаў два гады зняволення па артыкуле за абразу Лукашэнкі – паведамляе…
Дзеля падвозу людзей да могілак дзесяць аўтобусных маршрутаў Магілёва памяняюць свой расклад і схему праезду…