У Свеце

Насельніцтва Зямлі – даўно больш за 8 мільярдаў

Колькасць зямлян павінна дасягнуць васьмі мільярдаў 15 лістапада 2022 года па прагнозах ААН. Адпаведны прагноз быў зроблены ў ліпеньскім дакладзе арганізацыі World Population Prospects.  

Пры гэтым он-лайн лічыльнікі насельніцтва адлюстроўваюць на Зямлі больш за 8 мільярдаў жыхароў на сёння. Так, лічыльнік countrymeters.info на 9:50 15 лістапада дае лічбу 8 034 334 тысячы чалавек.

Магілёў.media ў матэрыяле ад 29 верасня паведамлялі, што парог насельніцтва Зямлі ў 8 мільярдаў быў пераадолены яшчэ ў другой дэкадзе ліпеня, і на 1-е месца выйшла Індыя, скінуўшы Кітай на другі радок.

Такую магчымую блытаніну ў прагнозах і падліках насельніцтва можна патлумачыць тым, што немагчыма адразу карэктна падлічыць насельніцтва Зямлі. Кожная краіна прадстаўляе тыя лічбы, якія палічыць неабходнымі, і верыфікаваць агульную лічбу вельмі цяжка. 

Некаторыя краіны ўвогуле не прадстаўляюць ніякія дадзеныя, не праводзяць перапісы. 

ААН абапіраецца на дадзеныя Сусветных перапісаў, якія праводзяцца кожныя 10 год паміж гадамі, што сканчваюцца на 9 і пачынаюцца на 1, напрыклад, 1989-1991, 1991-2001, 2009-2011, 2019-2021. 

На Беларусі перапісы насельніцтва праводзіліся ў 1896, 1926, 1937, 1939, 1959, 1970, 1979 1989, 1999, 2009, 2019 гадах.

Паводле ацэнак фонду ААН у галіне народанасельніцтва, насельніцтва планеты складала наступную колькасць:

1 мільярд – 1804 год;

2 мільярды – 1927 год;

3 мільярды – 1960 год;

4 мільярды – 1974 год;

5 мільярдаў – 11 ліпеня 1987 года;

6 мільярдаў – 12 кастрычніка 1999 года;

7 мільярдаў — 31 кастрычніка 2011 года;

Калі дынаміка росту колькасці не зведае ашаламляльных змен, то мяжа ў 9 мільярдаў чалавек будзе пераадолена прыкладна да 2042 года.

фота: plus-one.ru

Апошнія навіны

Анатоль Ісачанка сабраўся будаваць на Магілёўшчыне DOTA-цэнтры

Кіраўнік Магілёўскага аблвыканкама падчас выступу перад журналістамі зрабіў анонс інавацыі, у якой ён сам, гледзячы…

24 сакавіка, 2025

З’явілася відэа з пралётам “шахеда” над Магілёвам учора вечарам

Чытачы mogilev.media даслалі ў рэдакцыю кароткі ўрывак з відэа, знятага падчас пралёту "шахеда" ўчора вечарам у…

12 сакавіка, 2025

Над Магілёвам праляцеў дрон-камікадзэ, паведамляюць чытачы

Баявы дрон, які па гуку нагадвае расійскія "шахеды", некалькі хвілін таму быў заўважаны ў небе…

11 сакавіка, 2025

Аляксандра Студнева перавялі на пасаду міністра будаўніцтва

Старшыня Магілёўскага гарвыканкама Аляксандр Студнеў быў прызначаны на пасаду міністра архітэктуры і будаўніцтва. Пасаду магілёўскага…

4 сакавіка, 2025

Рэлігійны пост – у чым яго карысць і магчымая шкода

Ад заўтрашняга дня пачынаецца Вялікі пост у праваслаўных, які завяршыцца святкаваннем Вялікдня 20 красавіка. Каталікі…

2 сакавіка, 2025

Якое надвор’е чакае нас гэтай вясной

На Магілёўшчыне сёлета незвычайна цёплая зіма скончылася зацяжным пахаладаннем. Трывалы мінус працягваецца ў нашым рэгіёне…

1 сакавіка, 2025