Яноўскі сельсавет у Краснапольскім раёне, які найбольш пацярпеў на Магілёўшчыне ад Чарнобыля, звярнуўся да былых жыхароў усіх адселеных вёсак на сваёй тэрыторыі. Сельсавет плануе рэалізаваць грамадзянскую ініцыятыву “Галасы зніклых вёсак”. Яе мэта – увекавечыць месцы, дзе некалі жылі людзі, каб яны не зніклі з памяці пакаленняў назаўсёды – паведамляе краснапольская раёнка “Чырвоны сцяг”.
Кожнае месца, дзе колісь знаходзілася вёска, плануюць пазначаць таблічкай-паказальнікам або памятным знакам. Важна што на такіх помніках ці побач з імі будзе QR-код са спасылкай на інтэрнэт-рэсурс, дзе размесцяць гісторыю той ці іншай вёскі, а таксама звесткі пра вядомых ураджэнцаў населеных пунктаў.
Старшыня Яноўскага сельсавета Наталля Лагуціна адзначае, што падтрымае любую форму ўшанавання вёсак, якая будзе даспадобы выхадцам з выселеных вёсак: помнік, памятны камень ці нешта іншае.
Гэтая ініцыятыва, па словах Лагуцінай, зможа аб’яднаць людзей з выселеных вёсак адной ідэяй і адной мэтай – захаваць памяць пра тыя неселеныя пункты, дзе яны нарадзіліся, жылі іх блізкія родзічы і далёкія продкі.
Фота: “Чырвоны сцяг”
Кіраўнік Магілёўскага аблвыканкама падчас выступу перад журналістамі зрабіў анонс інавацыі, у якой ён сам, гледзячы…
Чытачы mogilev.media даслалі ў рэдакцыю кароткі ўрывак з відэа, знятага падчас пралёту "шахеда" ўчора вечарам у…
Баявы дрон, які па гуку нагадвае расійскія "шахеды", некалькі хвілін таму быў заўважаны ў небе…
Старшыня Магілёўскага гарвыканкама Аляксандр Студнеў быў прызначаны на пасаду міністра архітэктуры і будаўніцтва. Пасаду магілёўскага…
Ад заўтрашняга дня пачынаецца Вялікі пост у праваслаўных, які завяршыцца святкаваннем Вялікдня 20 красавіка. Каталікі…
На Магілёўшчыне сёлета незвычайна цёплая зіма скончылася зацяжным пахаладаннем. Трывалы мінус працягваецца ў нашым рэгіёне…