Мікалаеў зноў абстраляны. У Латвіі амаль 600 непаўналетніх уцекачоў з Украіны без бацькоў

Пішам, як вайна ва Ўкраіне ўплывае на жыццё еўрапейскіх гарадоў, якія маюць партнёрскія дачыненні з гарадамі Магілёўскай вобласці

---

Рух параднёных гарадоў паўстаў падчас Другой сусветнай вайны. Дзеля супрацоўніцтва ў інтарэсах міру і дабрабыту ў 1942 годзе сяброўскія адносіны наладзілі пацярпелыя ад наступстваў вайны Кавэнтры (Вялікая Брытанія) і Сталінград (СССР). У красавіку 1957 года была заснавана Сусветная федэрацыя параднёных гарадоў. Паводле яе статуту мэта руху гарадоў пабрацімаў – развіццё супрацоўніцтва паміж народамі незалежна ад іх расы, мовы, рэлігіі і палітычнай сістэмы. Параднёныя гарады абменьваюцца досведам у эканамічнай, культурнай, гуманітарных сферах, а таксама самакіраванні, чым умацоўваюць давер між грамадзянамі.

---

Мікалаеў, Украіна

(Пабрацімства з Магілёвам замацаванае дамовай у 2009 годзе. Горад месціцца за 65 кіламетраў ад Чорнага мора. Да вайны ў ім жыло 490 тысяч чалавек. Паводле Генштабу Узброеных сіл Украіны Мікалаеў адзін асноўных кірункаў наступу расейцаў. Яго рэгулярна абстрэльваюць, знішчаючы гарадскую інфраструктуру і змушаючы мясцовую ўладу капітуляваць. Горад пакінула палова яго насельніцтва. Прэзідэнт Украіны Уладзімер Зяленскі прысвоіў Мікалаеву ганаровае званне «Горад-герой»).

28 красавіка расейцы абстралялі Мікалаеў з рэактыўных сістэм залпавага агню «Тарната». Разбураныя дзясяткі прыватных дамоў, аўтамабілі, крамы, перадае «НТА – Незалежнае тэлебачанне». 

Адна з выбуховак трапіла ў прыватны дом, у якім, па словах гаспадароў, знаходзілася 8 чалавек. Двое дзяцей. Ніхто не пацярпеў, але дом дужа пашкоджаны. Як высветлілі сапёры ў дом заляцеў пасьля выбуху ракетны рухавік, піша  інфармацыйны рэсурс «Suspilne.media».

Касетныя снарады пацэлілі ў дзіцячыя пляцоўкі і школьныя двары. У Мікалаеўскай вобласці разбураны завод будаўнічых матэрыялаў.

За мінулыя сотні ў выніку абстрэлаў у шпіталі трапілі 10 чалавек, кажа старшыня Мікалаеўскага абласнога савету Ганны Замазеевай.

У больніцах вобласці знаходзяцца 134 пацярпелыя, паведамляе газета «Миколаївська правда».

---

Даўгаўпілс, Латвія

(горад пабрацім Бабруйску. У 2018 годзе ў Даўгаўпілсе жыло 90 399 жыхароў. У ім месціцца консульства Рэспублікі Беларусь. Дзеіць цэнтр беларускай культуры. Знаходзіцца ён у латвійскім рэгіёне Латгалія, якая мяжуе з Беларуссю. Даўгаўпілс за 30 кіламетраў ад мяжы. Беларуская назва гораду Дзвінск).

У Латвіі 586 дзецям з Украіны знойдзеныя апекуны. Дзятва апынулася ў чужой краіне праз вайну на радзіме.

Нехта не паспеў аб’яднацца з бацькамі, у некага яны пайшлі ваяваць, хтось асірацеў, ці прывезены непаўналетнімі браты, або сёстрамі, тлумачыць сітуацыю інфармацыйны рэсурс « Press».

Непаўналетніх без прыгляду бацькоў, ці законных прадстаўнікоў Латвія залічвае да дзяцей «без суправаджэння» і шукае ім апекуноў, што мусяць клапаціцца пра іх.

У Латгаліі выраслі цаны на сельскагаспадарчыя землі, якія набываюць для вытворчасці энергіі. Такую сітуацыю зьвязваюць з вайной ва Украіне, якая стымулюе змены ў выкарыстанні мясцовых сельскагаспадарчых угоддзяў.

Рэсурс «Наша газета» піша, што два гады таму за гектар давалі 800 еўра, цяпер жа не менш за 2000.

Выданне спасылаецца на кіраўніка аддзелу продажу лясных і сельскагаспадарчых зямель Сандыйса Лукіна, які даводзіць, што зацікаўленасць у набыцці дзялянак выяўляюць не толькі мясцовыя фермеры, але іншаземцы, якія хочуць займацца энергетыкай, асабліва паркам сонечных батарэяў.

---

Айзенах, Германія

(Дамова аб пабрацімстве з Магілёвам падпісаная ў снежні 1996 году. Горад з насельніцтвам у 42 тысячы чалавек месціцца ў Цюрынгіі (адной з самых эканамічна развітых федэральных земляў на ўсходзе краіны). Дабрачынныя арганізацыі гораду дапамагалі пацярпелым ад аварыі на Чарнобыльскай АЭС беларусам. Арганізоўвалі аздараўляльныя паездкі для дзяцей, якія жылі на забруджаных радыяцыяй раёнах Магілёўшчыны).

Становішча рамеснікаў цэнтральнай і паўночнай Цюрынгіі пагаршаецца праз вайну ва Ўкраіне, высокія цэны на энерганосьбіты, матэрыялы і сыравіну. Сітуацыю разлічваюць бізнесоўцы можа выправіць скасаванне кавідных абмежаванняў, адзначае рэсурс «Mdr».

У красавіку супрацоўнікі заводу Opel, які месціцца ў Айзенаху, атрымаюць аднаразовую выплату ў 2000 еўра, піша «Mdr».

Бонус, аднак, меншы, чым у французскіх калегаў. Тыя атрымалі ў лютым ад 4000 да 4400 еўра ў лютым. Тым не менш, кіраўнік рабочага савету Айзенаха задаволены і лічыць прэмію «някепскай».

Паводле выдання канцэрн Opel у Еўропе павялічыў прыбытак на пяць працэнтаў, хаця продажы аўтамабіляў ўпалі на тры працэнты.

фота: pivdenukraine.com.ua, ГУ ДСНС