Навіны

Левы папуліст, былы вясковы настаўнік арыштаваны за спробу стаць дыктатарам Перу – прэзідэнтам дзяржавы ўпершыню стала жанчына

Прэзідэнт Пэдра Кастыльо каб пазбегнуць імпічменту вырашыў зрабіць ваенны пераварот, распусціць парламент і ўсталяваць дыктатуру. Аднак паліцыя і армія засталіся вернымі канстытуцыі і арыштавалі яго.

Да змены ўлады прывялі канфлікт паміж Кастыльо і парламентам, які кантралююць яго апаненты – правыя партыі. Спробу распусціць парламент Кастыльо прадпрыняў усяго за некалькі гадзін да таго, як заканадаўцы павінны былі галасаваць па працэдуры яго імпічменту. Тады Кастыльо паведаміў, што распускае парламент, што выклікала шок у краіне. Аднак перуанская паліцыя і ўзброеныя сілы ў сумесным заяўленні падкрэслілі, што будуць паважаць канстытуцыю краіны.

Прэзідэнт Пэдра Кастыльо, чые прыхільнікі выйшлі на вуліцу і арганізавалі сутыкненні з паліцыяй, уцёк са свайго палаца і спрабаваў укрыцца ў пасольстве Мексікі, але быў затрыманы. Вестка пра няўдалую спробу ваеннага перавароту ў Перу ўскалыхнула інфармацыйныя агенцтвы свету, бо змена ўлады адбылася менш чым за суткі. 

Перу перажывае палітычную нестабільнасць ужо не першы год. У 2020 годзе ў краіне ўсяго за пяць дзён змянілася тры прэзідэнты, а з 2016-га змянілася ўжо шэсць лідараў дзяржавы.

Тым часам парламент у якасці часовага лідэра прывёў да прысягі дзеючага віцэ-прэзідэнта Дзіну Болуартэ, якая неадкладна заклікала да палітычнага перамір’я ў інтарэсах пераадолення нацыянальнага крызісу. Яна стала першай жанчынай-прэзідэнтам Перу.

Шлях былога прэзідэнта ад народнага лідара да няўдалага дыктатара і крымінальніка аказаўся вельмі кароткім. Кастыльо – прыхільнік левых ідэй і школьны настаўнік – быў абраны прэзідэнтам Перу ў чэрвені 2021 года. 

У час перадвыбарчай кампаніі ён пераканаў сваіх прыхільнікаў у тым, што «у багатай краіне больш не будзе бедных». Сам Кастыльо паабяцаў, што адмовіцца ад прэзідэнцкай зарплаты і будзе, як і раней, жыць на настаўніцкія даходы. Аднак у час праўлення супраць яго высунулі абвінавачанні ў карупцыі, якія прэзідэнт абвяргаў і называў часткай замовы па яго адхіленні ад улады.

Такім чынам, у Перу адбылася вельмі знаёмая гісторыя. Левы папуліст карыстаючыся падтрымкай бедных аграрыяў стаў прэзідэнтам і пачаў усталёўваць дыктатуру. Паколькі ў краіне мелася легальная апазіцыя, спроба аказалася няўдалай, а на змену яму ўпершыню ў гісторыі краіны прыйшла жанчына. 

На фота: Адхілены прэзідэнт Перу (на фота – злева) пасля імпічменту паўстаў перад пракурорамі.

Апошнія навіны

Праваабаронцы прызналі палітзняволеным магілёўца Віталя Чавусава

Сёння праваабарончая супольнасць Беларусі прызнала палітзняволенымі яшчэ 20 чалавек. Сярод іх магілёвец Віталь Чавусаў. Акрамя…

23 ліпеня, 2025

В Горецкой сельхозакадемии традиционный недобор абитуриентов

В этом году БГСХА стала одним из двух вузов Беларуси, где вынуждены объявить дополнительный набор…

23 ліпеня, 2025

Магілёўскія пракуроры заблакавалі сайты беларускіх і расійскіх праваабаронцаў

Па рашэнні пракуратуры Магілёўскай вобласці ў Беларусі заблакавалі сайты праваабарончых праектаў "Праваабаронцы супраць катаванняў" і…

23 ліпеня, 2025

Кто на самом деле строит высокотехнологичную электростанцию в Быхове?

Строящийся на гранты ЕС объект в Быховском районе кормит не только сотрудников, но и массу…

23 ліпеня, 2025

Секрет Полишинеля или тайна кировской смаженки

Тайна качества  знаменитой смаженка из Кировска кроется в том, чтобы  не соблюдать традиции райпо, а…

23 ліпеня, 2025

Ураган в Могилеве уносил собаку вместе с будкой на соседнее поле

Всплывают новые подробности урагана, натворившего дел в Могилевской области. Есть среди них и курьезный случай,…

23 ліпеня, 2025