Гарады-пабрацімы: навіны

Керч – каменяломні рыхтуюць пад бамбасховішчы. З’явіўся вайсковы гарадок Расгвардыі, мантаж пралётаў Крымскага маста завершаць да 20 снежня

Мантаж новых пралётаў на правым баку Крымскага моста, які быў часткова выведзены з экслуатацыі пасля выбуху 8 кастрычніка, плануюць пачаць 5-10 лістапада, і завяршыць да 20 снежня, паведамляюць керчанскія СМІ. 


Пішам, як агрэсіўныя дзеянні Расіі, вайна ва Ўкраіне ўплываюць на жыццё гарадоў, якія маюць партнёрскія дачыненні з гарадамі Магілёўскай вобласці.


Ад выбуху на Крымскім мосце пацярпелі абедзве паласы аўтадарогі. Замену чатырох пралётаў левага боку, па якіх зараз рухаецца транспарт, пачнуць пасля таго, як адновяць пралёты правага боку, якія абваліліся ў ваду і былі зрушаныі. 

«Запусціць рух па абодвух палосах правага боку маста плануем 5 снежня па адной паласе, 20 снежня – цалкам і па іншай. Далей прыступім да прац па разборцы пралётаў левага, меней пацярпелага боку маста. І плануем яе таксама завяршыць да 30 сакавіка» – праінфармаваў віцэ-прэм’ер Расіі Марат Хуснулін.

Усяго выраблена і пастаўлена 1 218 тон металаканструкцый з заводаў Цюмені, Варонежа, Кургана. З іх 925 тон ужо змантавана ў выглядзе пралётных вырабаў.

Вайсковы гарадок Расгвардыі.

У Керчы для Расгвардыі па Індустрыяльнай шашы выгналі ўжо 4 паверхі скрынкі дома для гвардзейцаў.  У лютым 2022 года там было яшчэ голае поле, а цяпер вымалёўваюцца контуры будучага вайсковага гарадка з жылымі дамамі, клубам і ўласным памяшканнем ФСБ.

Каменяломні  пад бамбасховішча

У Керчы правяраюць скляпы жылых дамоў на прадмет магчымасці хованкі, інспектуюць станы ацалелых бамбасховішчаў. Супрацоўнікі музейнага комплексу Аджымушкайскіх каменяломняў не выключаюць магчымасць выкарыстання іх у якасці хованкі, бамбасховішча.

Аджымушкайскія каменяломні з мая да канца кастрычніка 1942 года былі месцам супраціву нямецкім войскам, а да 1943 года – хованкай для тысяч мірных жыхароў.  Даўжыня раскапаных хадоў цэнтральных каменяломняў складае больш за 8 км. Невялікую іх частку займае «Музей гісторыі абороны Аджымушкайскіх каменяломняў».

kerch.fm


Керч – з 1988 года горад-пабрацім Магілёва. Заснаваны ў 610-590 гг. да нашай эры грэцкімі каланістамі з Мілета. У розныя эпохі горад называўся Панцікапей, Чаркіа, Воспора, Корчаў, Баспор. У 480 г. да н.э. Пантыкапей стаў сталіцай Баспорскай дзяржавы.  Знаходзіўся пад уладай Усходняй Рымскай (Візантыйскай) Імперыі  ў VI і ў XI -XII стагоддзях, у VIII стагоддзі патрапіў у сферу ўплыву Хазарскага каганата. У канцы X-XI стагоддзяў горад уваходзіў у склад рускага Тмутараканскага княства. У 1318 годзе горад увайшоў у склад Генуэзскіх калоній. У 1475-1774 у Асманскай, у 1774-1917 – у Расійскай імперыі, у 1917-1954 гадах у складзе РСФСР, у 1954-2014 – у складзе Украіны. У 2014 годзе Крым анэксаваны Расіяй. Сучаснае насельніцтва горада 155 тысяч чалавек.

Апошнія навіны

Чаму ў Гродна высылаюць чыноўнікаў з Магілёва, а ў Магілёў – з Гродна? З’явіўся новы падкаст

Выйшаў новы выпуск падкаста “Усход-Захад”, у якім яго вядучыя, краязнаўцы з Магілёва і Горадні Аляксей…

29 ліпеня, 2025

Не багі гаршчкі абпальваюць – «Арт-Жыжаль» сабраў керамістаў з усяго свету

На Бабруйшчыну з’ехаліся майстры агню і гліны з розных куткоў свету. Сёння ў Бабруйску адкрываецца…

29 ліпеня, 2025

Падаткі знікаюць, але не для ўсіх: як дзяржава “палягчае” жыццё малому бізнесу

У Беларусі абмяркоўваецца магчымасць адмены аднаго з падаткаў, што выклікала шырокую дыскусію сярод прадпрымальнікаў і…

29 ліпеня, 2025

Могилевчане с грустью смотрят на последствия урагана

Прошедший ночью 10 июля ураган до сих пор остается кошмаром в памяти жителей Могилева. Подниколье…

29 ліпеня, 2025

Главный инженер добился увольнения через суд в Осиповичах

Только через суд смог добиться увольнения главный инженер, которому надоело не вовремя получать зарплату. Как…

29 ліпеня, 2025

В Осиповичах молодых родителей приговорили к “химии” за смерть их ребенка

В Осиповичах молодые родители не могли поделить, кому кормить дочку и в итоге уронили ребенка.…

29 ліпеня, 2025