Кастусёў – на волі. Абноўлена

“Дзякуй Богу!!!” – напісаў учора ў сваім Facebook зяць палітыка Дзмітрый Антончык. Як цяпер вядома, Рыгор Кастусёў сапраўды на волі і знаходзіцца разам са сваёй сям’ёй. Гэтую інфармацыю пацвердзіла “Нашай Ніве” яго дачка Галіна Антончык.

Усяго на дадзены момант вядома пра сем палітвязняў, якіх учора выпусцілі на волю – напісаў у сваім Facebook кіраўнік фонда “Bysol” Андрэй Стрыжак. Імёны іншых асобаў пакуль не паведамляюцца, гэтак сама, як невядома пра стан іх здароўя.

Андрэй Стрыжак у сваёй публікацыі звярнуў увагу на бесчалавечны каментарый былога дырэктара Інстытута гісторыі Нацыянальнай акадэміі навук Беларусі, а зараз дэпутата Вячаслава Даніловіча:

– Это в менталитете в принципе нашего народа – милосердие к поверженным врагам. Тем более что эти люди… Здоровье не то, и прочие вещи. Здесь, конечно, наша власть, Александр Лукашенко проявляет высочайшее милосердие по отношению к тем людям, которые пошли фактически против государства, совершали попытку мятежа, события 2020 года, но тем не менее определенное наказание понесли. И сейчас в таких условиях мы еще раз демонстрируем, что мы в принципе открытый и миролюбивый народ, мы готовы, значит, прощать, если поступать милосердно по отношению к тем врагам, которые повержены.

“Сістэма разумее міласэрнасць і гуманнасць у кантэксце Оруэлаўскага 1984 года – ты павінны палюбіць Вялікага Брата – каментуе Андрэй Стрыжак – Ты павінны быць зламаны і павержаны, хворы і дабіты катаваннямі і турмамі. Тады пераможца можа паглядзець на цябе з пагардай і адпусціць.”