Дайджэст навінаў мінулага тыдня – санкцыі, хросны ход і мухаморы

Магілёўскія заводы “Кранаспан” і “Омск Карбон” трапілі пад санкцыі Украіны.

Стала вядома, што ў Магілёўскім рэгіёне адбываецца рэзкае скарачэнне навукоўцаў-даследчыкаў, дактароў і кандыдатаў навук.

У Магілёве прайшоў хросны ход да крыжа каля мясакамбіната, пастаўленага ў памяць пра ахвяр палітычных рэпрэсій ХХ стагоддзя.

Чацвёра падлеткаў у Магілёве атруціліся мухаморамі.

У Магілёве на аўкцыён выставілі дзясятак пустуючых дамоў.

У Магілёве гарэў корпус інфекцыйнага аддзялення бальніцы №1, які яшчэ будуецца, а бальніца ў Глуску стала лепшай па вобласці.

Для медыкаў вобласці набылі 44 машыны “хуткай дапамогі”, але гэта ўсё роўна мала – высветлілі mogilev.media.

У адной з крам Кіраўска знайшлі прадукты, якія былі пратэрмінаваныя больш чым на два месяцы.

Музей гісторыі Магілёва адмовіўся забіраць у свае фонды арыгінальную неонавую вывеску кінатэатра “Ветразь”.

У Мсціславе пачаліся працы па аднаўленні драўлянай гарадской забудовы на XII – XIV стагоддзі на Замкавай гары.

У Жылічах рэканструююць старажытную печку па адлюстраванні ў люстэрку, і mogilev.media падрыхтавалі пра гэта невялікі ролік.

У Мсціславе было страшна хадзіць па вуліцах з-за бадзяжных сабак.