Адзін з буйнейшых аўтаперавозчыкаў краіны, “Атлас”, які забяспечваў ільвіную долю пасажырапатоку паміж раённымі цэнтрамі Магілёўшчыны і абласным цэнтрам, скараціў частку сваіх маршрутаў. Так, на спыненне перавозак гэтым аператарам звярнула ўвагу рэдакцыя слаўгарадскай раёнкі “Прысожскі край”.
“Як цяпер дабірацца з Слаўгарада да Магілёва? Калі наладзіцца камфортнае спалучэнне з абласным цэнтрам?” – такія пытанні, паводле газеты, хвалююць большасць слаўгарадцаў.
На афіцыйным сайце перавозчыка можна пабачыць, што акрымя Слаўгарада маршруты да Магілёва сталі недасягальныя таксама для жыхароў некаторых іншых раённых цэнтраў рэгіёна – Чавусаў, Краснаполля. Трэба адзначыць, што акрамя “Атласа” ў гэтыя гарады ходзяць іншыя, дзяржаўныя і прыватныя рэйсы прыгарадных аўтобусаў і маршрутак, але іх магутнасці відавочна не пакрываюць увесь попыт жыхароў райцэнтраў.
Пакуль няясна, ці звязана скарачэнне пасажыраперавозак з затрыманнем кіраўніцтва ААТ “Анлайн маршруткі”, што з’яўляецца заснавальнікам “Атласа”, пра якое нядаўна паведамлялі беларускія СМІ. Сваё арыгінальнае тлумачэнне сітуацыі даў намеснік начальніка аддзела архітэктуры і будаўніцтва жыллёва-камунальнай гаспадаркі Слаўгарадскага раёна Аляксандр Краснабаеў.
– Гэта звязана з тым, што на дадзены момант удасканальваецца арганізацыя аўтамабільных перавозак і абарона правоў пасажыраў.
Аляксандр Краснабаеў звязаў трансфармацыі на рынку міжгародніх маршрутных таксі з нарадай, праведзенай Аляксандрам Лукашэнка па дадзеным пытанні.
Фота ілюстрацыйнае
Очередной злобный опус в адрес Польши выпустила в этот раз главная могилевская городская газета “Вестник…
Водители автобусов, подвозящих детей в сельские школы, пожаловались на постоянные переработки и бесплатные сверхурочные. Как…
У Магілёўскай і Гарадзенскай абласцях за апошнія дні 16 чалавек кантактавалі з жывёламі, хворымі на…
Журналистка сходила на рынок по улице Островского в Могилеве, чтобы выяснить, что предлагают продавцы и…
Крыніцы mogilev.media паведамляюць, што ў абласным цэнтры пачалася кампанія па запалохванні людзей, што карыстаюцца такімі…
У самым сэрцы гістарычнага Бабруйска знішчаюць будынак былога вучэбна-вытворчага камбіната, які знаходзіцца на вуліцы Маскоўскай,…