Category: У Беларусі

Падаражэюць цыгарэты і крэдыты, а стаматалогія патаннее – што нас чакае ў снежні

Навіна ад

Пачынаючы з 1 снежня на дарогах Беларусі пачнуць штрафаваць за адсутнасць зімовых шын на аўтамабілях. Першы штраф – адна базавая велічыня, а пры паўторым правапарушэнні выплата складзе ад двух да пяці базавых. Зімовая гума абавязковай будзе для аўтамабілістаў да 1 сакавіка.

А вось іншыя навінкі снежня. 

З 1 снежня на 20 і 30 капеек падаражэюць больш чым 25 марак цыгарэт. Напрыклад, Kent Navy Blue, Kent Silver будуць каштаваць 6,50 рублёў, Pall Mall Superslims Azure – 5,20 рублёў, Dunhill Fine Cut Gold – 6,90 рублёў, а Camel Compact – 5,10 рублёў. Поўны пералік новых коштаў можна паглядзець тут.

Таксама ад заўтрашняга дня павысіцца стаўка на крэдыты ў камерцыйных банках для фізічных асобаў. Цяпер стаўка па крэдытах (за выключэннем ільготных) складзе 15,25% гадавых замест 14,61% ранейшых.

Пачынаючы з 13 снежня ўступіць у сілу пастанова Міністэрства аховы здароўя аб зніжэнні коштаў на стаматалагічныя паслугі. Так, лячэнне карыесу сярэдняй ступені патаннее на 47%, выдаленне малочнага зуба – на 33%, а складанае выдаленне зуба – на 42%.

Фота з адкрытых крыніц

Мужчыну, які прадаваў бясплатныя талоны электроннай чаргі ў падатковую, асудзілі ў Мінску

Навіна ад

Незвычайны спосаб заробку быў выяўлены ў адной з падатковых інспекцый горада Мінска. Там мужчына браў талоны электроннай чаргі на тэрмінале, а потым прапаноўваў людзям у чарзе набыць такі талон у яго за 50 рублёў – каб менш чакаць пад дзвер’ю кабінета. 

Сігнал пра вынаходлівага прадпрымальніка супрацоўнікі Упраўлення аператыўных мерапрыемстваў Міністэрства па падатках і зборах атрымалі ў кастрычніку – гаворыцца ў афіцыйным тэлеграм-канале ведамства. Неўзабаве работнікі падатковай выявілі гэтага мужчыну і ў прысутнасці двух сведкаў зрабілі ў яго “кантрольную закупку”. Аказалася, што талонны камбінатар прадугледзеў пэўныя меры бяспекі – напрамую ў рукі грошы з людзей ён не браў, а прасіў іх самастойна пакласці купюру ў яго тэчку.

У выніку справу прадпрымальнага мужчыны разбіраў эканамічны суд, які прысудзіў яму штраф у 70 базавых велічыняў (а гэта 2 590 рублёў) і канфіскацыю ўсяго незаконнага прыбытку – піша Onliner.

Фота ілюстрацыйнае

Сёння апошні дзень для аплаты падаткаў

Навіна ад

Калі не аплаціць падаткі своечасова, за кожны дзень пратэрміноўкі будзе прызначаная пеня.

Сёння, 15 лістапада 2023 года, заканчваецца тэрмін выплаты транспартнага падатку, зямельнага падатку, падатку на нерухомасць і арэнднай платы. Падатковыя інспекцыі раней выслалі па пошце падаткаплацельшчыкам усе сумы маёмасных падаткаў у адзіным паведамленні. Сума арэнднай платы, якая падлягае выплаце, указваецца ў дагаворы арэнды зямельнага ўчастка.

У выпадку несвоечасовай выплаты падаткаў, а таксама арэнднай платы за кожны каляндарны дзень пратэрміноўкі будзе налічвацца пеня. Таксама ўстаноўлена адміністрацыйная адказнасць за невыкананне падатковага заканадаўства ў выглядзе 15 працэнтаў ад нявыплачанай сумы падатку, але не менш як 0,5 базавых велічынь. Калі нявыплата або несвоечасовая выплата падатку ўчынена наўмысна, прымяняецца штраф у памеры 40 працэнтаў ад нявыплачанай сумы падатку, але не менш як 10 базавых велічынь.

Фота ілюстрацыйнае

Беларуска “паляцела” на Месяц – пачаўся эксперымент па гадавой ізаляцыі касманаўтаў

Навіна ад

Беларуска Вольга Масціцкая ўдзельнічае ў эксперыменце Sirius-2023 у складзе расійскага экіпажа з шасці чалавек у якасці даследчыка, піша smartpress.by.

“Касманаўты” рыхтуюцца да рэальнага палёту на Месяц. Удзельнікі місіі ізаляваны на год з 14 лістапада. Праект запушчаны ў Расіі Інстытутам медыка-біялагічных праблем акадэміі навук.

Згодна з эксперыментам, “касманаўты” “адправіліся на “Месяц” на транспартным караблі. “Ляцець” яны будуць чацвёра сутак. Далей адбудзецца “састыкоўка” з калямесячнай арбітальнай станцыяй. Праз месяц будзе “дастаўлены” дадатковы транспартны карабель. Экіпаж будзе працаваць на ім двое сутак без перапынку.

Акрамя таго, запланаваны “высадкі” на “Месяц”. Праз 362 дні пачнецца зваротны “палёт”, які таксама працягнецца чацвёра сутак. Падчас яго ўдзельнікі эксперыменту сутыкнуцца з “няштатнымі сітуацыямі”.

У рамках даследавання будзе вывучацца стан здароўя чалавека ва ўмовах ізаляцыі. У праграме эксперыменту ўдзельнічаюць вучоныя з Расіі, Беларусі, ЗША, Канады, Італіі, Чэхіі, Турцыі, Індыі і Паўднёва-Афрыканскай Рэспублікі.

Вольга Масціцкая – малодшы навуковы супрацоўнік Інстытута фізіка-арганічнай хіміі НАН Беларусі, была ў ліку кандыдатак, якія прэтэндавалі на палёт на МКС. Кандыдаткамі на МКС былі абраны бортправаднік авіякампаніі “Белавія” Марына Васілеўская і хірург РНПЦ дзіцячай хірургіі Анастасія Ленкава (дублёр).

Фота з адкрытых крыніц

Двухтомнік Дуніна-Марцінкевіча прызнаны “экстрэмісцкім” – ён выйшаў у дзяржаўным выдавецтве

Навіна ад

У рэспубліканскі спіс экстрэмісцкіх матэрыялаў рашэннем суда Жыткавіцкага раёна Гомельскай вобласці быў уключаны збор твораў В. Дуніна-Марцінкевіча з двух тамоў, выдадзены “Мастацкай літаратурай” у 2007 – 2008 гадах. З тлумачэнняў, якія суправаджаюць тэкст рашэння вынікае, што гэта звязана з наяўнасцю ў першым томе збора твораў прадмовы Язэпа Янушкевіча, а ў другім – вершаў “Плывуць вятры” і “Гутарка старога дзеда”, якія раней ужо былі прызнаныя “экстрэмісцкімі”.

Літаратуразнаўцы мяркуюць, што гэтыя два вершы Дунін-Марцінкевіч напісаў падчас паўстання Кастуся Каліноўскага супраць улады Расійскай імперыі на тэрыторыі сучаснай Беларусі.

“Мастацкая літаратура” – дзяржаўнае выдавецтва, якое існуе з 1972 года і спецыялізуецца на публікацыі арыгінальных твораў беларускіх аўтараў. Пачынаючы з 2021 года ў склад выдавецтва ўваходзяць таксама літаратурныя часопісы “Маладосць”, “Нёман” і “Полымя”.

Фота з адкрытых крыніц

Лукашэнка расказаў пра затрыманне гендырэктара “Бабушкінай крынкі” і яшчэ 14 чалавек

Навіна ад

Кіраўнік прадпрыемства Генадзь Скітаў, па яго словах, сабраў вакол сябе каманду з самых блізкіх і “цалкам замкнуў на сябе фінансавыя патокі”.

Пра затрыманні ў кіраўніцтве “Бабушкінай крынкі” і на некаторых іншых прадпрыемствах малочнай галіны раней паведамлялі незалежныя беларускія СМІ. Цяпер жа Аляксандр Лукашэнка расказаў падрабязнасці справы падчас нарады, прысвечанай пасажырскім грузаперавозкам. 

«У верасні 2019 года на пасаду дырэктара прызначаны спадар Скітаў, сфармаваў сваю каманду. Шмат хто любіць пра гэта казаць: „Каманда, мы, тут…“ Я заўсёды вас ахоўваў ад гэтага – ніякіх каманд. Павінна быць структура кіраўнічая, іншае. Сваю каманду менеджэраў, цалкам замкнуў на сябе фінансавыя патокі» – паведаміў Лукашэнка. Не абыйшлося без абвінавачванняў у кумаўстве. Так, Скітаў прызначыў начальнікам  вытворчасці сыроў свайго кіраўцу, іншымі прызначэнцамі былі “стрыечны пляменнік, стрыечны брат і сын. Ну як жа без гэтага.”.  

Генадзь Скітаў. Фота: БелТА

Кіраўнік КДБ Іван Церцель паведаміў на нарадзе, што ўсяго на “Бабушкінай крынцы” і на іншых прадпрыемствах малочнай галіны былі затрыманыя 26 чалавек. 15 з іх арыштаваныя, уключаючы Скітава.

У выніку аператыўна-вышуковых мерапрыемстваў узяты ў распрацоўку восем камерцыйных груп, якія ўстанавілі кантроль на выгадных для сябе ўмовах над экспартам у Расію прадукцыі шэрага айчынных малакаперапрацоўчых прадпрыемстваў – прагучала на нарадзе.

Паводле заяўленняў Лукашэнкі, у Расіі былі створаны падкантрольныя суб’екты гаспадарання, што дазваляла прадаваць малочную прадукцыю з мінімальнай нацэнкай, а затым рэалізоўваць тавар канчатковаму спажыўцу па больш высокай цане.

Фота з адкрытых крыніц

Раслінай года ў Беларусі стала сон-трава

Навіна ад

Гэтая кветка сімвалізуе абуджэнне пасля зімы, і арганізатары конкурса падкрэсліваюць, што такі выбар паказвае на значныя змены ў беларускім грамадстве. 

Беларускае батанічнае таварыства ўпершыню правяло конкурс “Расліна года”. У 2024 годзе ёй стала сон-трава (Pulsatilla patens) – шматгадовая травяністая расліна, від з роду Прастрэл (Pulsatilla) сямейства Люцікавыя (Ranunculaceae). У онлайн-галасаванні гэтая расліна перамагла бліжэйшых канкурэнтаў, якімі былі васілёк і дуб.

Сон-трава, гэта рэдкая вясновая кветка, якая занесена ў Чырвоную кнігу Рэспублікі Беларусь. Усяго ў свеце распаўсюджана каля 40 дзікіх відаў гэтай расліны, чатыры з якіх сустракаюцца ў Беларусі. Сон-трава гэта першацвет, і пагэтаму яна вельмі папулярная сярод тых, хто любіць збіраць з першых вясновых кветак жывыя букеты. Гэта, а таксама скарачэнне сасновых лясоў і неспрыяльная экалогія з’яляюцца асноўнымі фактарамі рызыкі для прыгожай вясновай кветкі.

Сон-трава – гэта расліна, якая сімвалізуе абуджэнне прыроды пасля зімы. Беларускае батанічнае таварыства адзначае, што гэта з’яўляецца вельмі сімвалічным, паколькі пасля доўгіх гадоў грамадства перажывае значныя змены.

Фота: planetabelarus.by

У Беларусі бачылі паўночнае ззянне – фота

Навіна ад

Паўночнае ззянне змаглі назіраць на Гомельшчыне, Магілёўшчыне і Віцебшчыне.

Выключна моцная магнітная бура, адна з найболей магутных за апошнія некалькі гадоў, пачалася на Зямлі прыкладна ў 10 UTC. Падзея выклікана плазменным воблакам, выкінутым з Сонца ў бок Зямлі яшчэ каля двух дзён таму, 3 лістапада.

Фота з сацсетак

Житель Минска торговал «мутными» автомобилями из России

Навіна ад

В числе пострадавших – житель Могилевской области

Мошенник размещал в интернете заманчивые объявления о продаже автомобилей.

Нечего удивляться, что желающие купить хорошую машину по дешевке находились.

После того, как заключались сделки, владельцы узнавали о своих «ласточках» очень неприятные новости.

Так,   россиянина, владельца «Kia Sportage» сотрудники ГАИ остановили на въезде в Гомель и заподозрили подделку техпаспорта.

Житель Могилевской области узнал о том, что «Hyundai Santa Fe» была продана ему с поддельным свидетельством о регистрации и «липовым» идентификационным номером.

Пострадали и другие покупатели: общая сумма сделок с мошенником составила 379 000 рублей, сообщает Следственный комитет Республики Беларусь.

Преступник поставил дело на поток: при обыске у него обнаружены 14 мобильных телефонов, детектор банкнот, два комплекта номерных знаков и прочая мошенническая атрибутика.

Задержанный признался в том, что умышленно приобретал в России «паленые» автомобили для перепродажи в Беларуси.

Замешанным в деле оказался знакомый  мошенника, который занимался ремонтом машин в Барановичах и клеил на автомобили таблички с поддельными идентификационными номерами.

Выяснилось также, что преступник неоднократно привлекался к уголовной ответственности за совершение имущественных преступлений, но выводов для себя так и не сделал.

Фото Следственный комитет Республики Беларусь.

У гістарычным матчы жаночага чэмпіянату па хакеі перамагла “Бярэзіна”

Навіна ад

Першы ў гісторыі матч жаночага чэмпіянату Беларусі па хакеі прынёс перамогу камандзе з усходу краіны. У склад “Бярэзіны” ўваходзяць ураджэнкі Магілёўскай, Віцебскай і Гомельскай абласцей. 30 кастрычніка яны сустракаліся з камандай “Цытадэль”, складзенай з хакеістак Брэсцкай, Гродзенскай і Мінскай абласцей, і перамаглі з лікам 3:1. Двума шайбамі адзначылася выхаванка хакейнага клуба “Магілёў”, Аляксандра Войтава са Шклова.

Жаночы чэмпіянат Беларусі па хакеі праходзіць з удзелам трох каманд. Акрамя “Цытадэлі” і “Бярэзіны” выступае таксама каманда “Мінчанка” з жыхарак сталіцы. Сустрэча “Бярэзіны” і “Мінчанкі” пройдзе сёння ў 15.30 на мінскай “Алімпік-Арэне”.

Фота: hockey.by