15 верасня каля 18:00 жанчына, рухаючыся на аўтамабілі Mercedes ў двары аднаго з дамоў па вуліцы Сацыялістычнай, учыніла наезд на 6-гадовага хлопца, які выбег з-за прыпаркаванага аўтамабіля – паведамляе ДАІ.
У выніку ДТЗ хлопчыка з траўмамі шпіталізавалі.
Фота: ДАІ
30-гадовая жыхарка Бабруйска з красавіка па жнівень гандлявала біткоінамі на P2P крыптабіржах у якасці пасрэдніка. Яе нелегальны абарот перавысіў 437 тысяч рублёў – паведамляе МУС.
У адносінах да бабруйчанкі складзены адміністрацыйны пратакол за незаконную прадпрымальніцкую дзейнасць. Санкцыяй артыкула прадугледжаны буйны штраф і зварот у даход дзяржавы ўсёй сумы, якая прайшла праз крыптакашалёк.
Фота ілюстрацыйнае.
Традыцыйныя кірмашы сельскагаспадарчай прадукцыі “Залатая восень” стартуюць у Бабруйску ўжо ў гэту суботу – паведамляецца на сайце выканкама.
Кірмашы ў верасні – лістападзе 2023 года будуць працаваць з 09.00 да 15.00.
16, 17, 23, 24, 30 верасня, 1, 7, 8, 14, 15, 21, 22, 28, 29 кастрычніка і 4, 5 лістапада па вуліцы Максіма Горкага (праезная частка ўздоўж дома 41). Таксама кірмашы выхаднога дня будуць праходзіць на адкрытых пляцоўках рынкаў горада Бабруйска: «АўтаБудПрэстыж» (вуліца Мінская, 123/1-4), «СадаводБудМаркет» (вуліца Дзяржынскага, 4), «Бабруйскі рынак» (вуліца Карла Маркса, 49). Паўночны» (вуліца Дняпроўскай Флатыліі, 40).
Фота ілюстратыўнае.
У ноч на 10 верасня, каля 03:00 гадзін, здарыўся пажар на вуліцы Цагельнай у Бабруйску. Калі работнікі МНС прыбылі на месца, дом ужо гарэў адкрытым полымем. Падчас тушэння пажару ратавальнікі знайшлі целы трох загінуўшых чалавек, двух мужчын 1967 і 1974 гадоў нараджэння і жанчыны, асоба якой высвятляецца – паведамляе прэс-служба МНС.
Фота: МНС
Выстава “Бабруйск на картах, планах і чарцяжах ХІХ – ХХ стст.” працуе на афіцыйным сайце Нацыянальнага гістарычнага архіва Беларусі. Пачынаючы з самай старажытнай вядомай выявы горада – панарамы 1649 года пад аўтарствам А. Вестэрфельда, на інтэрактыўнай выставе размешчаны раней малавядомыя архіўныя выявы і планы горада на Бярэзіне.
План горада Бабруйска 1794 года дазваляе пабачыць, якім горад быў да пабудовы крэпасці ў 1810-х гадах. Гэтаксама на выставе ёсць выява з відам на горад напярэдадні паяўлення крэпасці, на 1810 год.
Асноўны комплекс апублікаваных дакументаў – гэта чарцяжы, паводле якіх узводзілася Бабруйская крэпасць, а ўсё насельніцтва горада высялялася на тэрыторыю фарштатаў, запраектаваных вакол крэпасці. Колькасць прадсталеных на выставе чарцяжоў – 48. Пабачыць іх усе можна тут. Выстава таксама суправаджаецца падрабязным гістарчным апісаннем станаўлення Бабруйска.
Фота: Нацыянальны гістарычны архіў Беларусі
Вечарам 5 верасня ў Бабруйску на вуліцы Гогаля на павароце ў прыватны сектар адбылася жорсткая аварыя. Аўтамабіль “Peugeot” праламіў турнікетную агароджу ў ўдарыўся ў дрэва, пры гэтым у машыны вырвала стойку амартызатара і адарвала правае пярэдняе кола.
Як высветлілі карэспандэнты “Вячэрняга Бабруйска”, дзяўчына за рулём “Peugeot” пайшла на абгон аўтамабіля “Лада Гранта”” проста на скрыжаванні – “Лада” пры гэтым здзяйсняла паварот у прыватны сектар.
Абгон на скрыжаванні завяршыўся ўдарам у “Ладу”. У “Peugeot” на пасажырскім крэсле ехала непаўналетняя дзяўчынка. Бачных цялесных пашкоджанняў дзіця не атрымала, таксама, як і кіроўца. Цэлыя таксама і муж і жонка з “Лады”.
Фота: “Вячэрні Бабруйск”
1 верасня ў Бабруйску ў кар’еры патануў мужчына – гаворыцца ў паведамленні МНС.
Каля 11 гадзін ратавальнікі атрымалі інфармацыю, што ў кар’еры ў 1-м завулку Нагорным знойдзена цела мужчыны. Супрацоўнікі МНС прыехалі на месца здарэння і дасталі труп з вады. Паведамляецца, што загінулы быў 1988 года нараджэння.
Фота ілюстрацыйнае.
Маршрут №5 «вул. Дзяржынскага – Кісялевічы» будзе рэарганізаваны ў маршрут №19 «Дзяржынскага – Навумава», рух аўтобуса па маршруце №17 «вул. Дзяржынскага – Вакзал – Кісялевічы» будзе працягнута да прыпыначнага пункта «вул. Навумава».
Вось час адпраўлення аўтобусаў па маршрутах №19 вул. Дзяржынскага – вул. Навумава» і №17 «вул. Дзяржынскага – Вакзал – вул. Навумава» ад прыпыначнага пункта «вул. Дзяржынскага» і «вул. Навумава»:
па працоўных днях:
«вул. Дзяржынскага»
маршрут №19 6.00 6.20 6.40 7.00 7.20 7.40 8.00 8.20 8.40 9.00 9.30 10.30 11.05 11.30 12.30 12.50 13.31 14.00 15.01 .30 17.00 17.30 18.00 18.30 20.00 21.00 21.30 22.00 0.20
маршрут №17 7.00 16.20 17.20
«вул. Навумава»
маршрут №19 5.50 6.10 6.30 6.50 7.10 7.30 7.50 8.10 8.30 8.50 9.10 9.30 10.00 11.00 11.35 12.00 13.01 4.00 13.00 13.00 00 16.30 17.00 17.30 18.00 18.30 19.00 20.30 21.30 22.00
маршрут №17 7.29 16.50 17.50
па выходных днях:
«вул. Дзяржынскага»
маршрут №19 6.50 7.20 7.50 8.20 8.50 9.20 9.50 10.20 11.30 12.05 12.30 13.05 13.30 14.00 14.30 15.00 6.00 13.00 13.00 0 19.00 19.30 21.30 22.30
«вул. Навумава»
маршрут №19 6.20 7.20 7.50 8.20 8.50 9.20 9.50 10.20 10.50 12.00 12.35 13.00 13.35 14.00 14.30 15.01 6.00 6.00 0 19.00 19.30 20.00 22.00 23.00.
Фота ілюстрацыйнае.
29 жніўня ў Бабруйску была шпіталізавана 58-гадовая пенсіянерка з апёкамі 80 працэнтаў цела – паведамляе МНС.
Жанчына па памылцы кінула недакурак цыгарэты ў бутэльку з бензінам, якая выкарыстоўвалася для запраўкі газонакасілкі. Успышка лёгкай на загаранне вадкасці прывяла да ўзгарання адзення і атрымання апёкаў. Сын жанчыны падручнымі сродкамі ліквідаваў гарэнне.
Фота: МНС
У кватэры 52-гадовага бабруйчаніна памерла яго 47-гадовая знаёмая. Смерць наступіла ад атручвання асабліва небяспечным псіхатропным рэчывам альфа-PVP – гаворыцца ў паведамленні УУС.
Супрацоўнікі наркакантролю высветлілі, што ўладальнік жылля напярэдадні ўладкаваўся кур’ерам у наркашоп. Атрымаўшы першае заданне, ён прысвоіў “тавар”, ужыў яго сам і падзяліўся з жанчынай, ад чаго тая і памерла.
Следчым Камітэтам узбуджана крымінальная справа за незаконны абарот наркотыкаў, які пацягнуў па неасцярожнасці смерць чалавека. Мужчыне пагражае пакаранне да 25 гадоў пазбаўлення волі.
Фота ілюстрацыйнае
