Category: Навіны Бабруйска

У Бабруйску на продаж выставілі падземны камандны бункер

Навіна ад

На электроннай пляцоўцы “БелЮрЗабеспячэнне” на продаж выстаўлены падземны пункт кіравання – вайсковы камандны бункер. Стартавы кошт 22 800 рублёў. На экзатычны лот аўкцыёна па продажы нерухомасці звярнула ўвагу выданне komkur.info.

Бункер знаходзіцца па вуліцы Кірава, каля дома 25а. Ён даўно не эксплуатуецца ваеннымі, а ў 2018 годзе перайшоў у прыватную ўласнасць. У мінулым годзе ўласнікам падземнага каманднага пункта стала ААТ “Старт-Корп”, у якой гэтая маёмасць была канфіскаваная за даўгі.

У адрозненне ад іншых падобных аб’ектаў, пункт кіравання ўнутры цалкам прэзентабельны – сцены зашытыя ў пластык, устаноўлены сучасныя свяцільні. Галоўным чынам памяшканні – скляпеністыя сцены і лямінаваную падлогу.

Аб «баявым» мінулым нагадваюць толькі браняваныя гермадзверы і прызначэнне абъекта (відавочна, ранейшае): «будынак спецыялізаваны для органаў дзяржаўнага кіравання, абароны, дзяржаўнай бяспекі, унутраных спраў».


З вуліцы аб’ект паходзіць на земляны вал

Агульная плошча ўсяго аб’екта складае 294 квадратныя метры. Свайго зямельнага ўчастка пункт упраўлення не мае. На аўкцыён незвычайны лот выстаўлены за пачатковую цану ў 22800 рублёў. Прэтэндэнт на куплю павінен унесці задатак – дзесяць працэнтаў ад названай сумы. Таргі прызначаны на 28 лістапада.

Фота: e-auction.by

Тры чалавекі патанулі за суткі на Магілёўшчыне – рыбак і двое палюбоўнікаў

Навіна ад

Днём 8 лістапада на самаробным вадаёме каля вёскі Сычкава Бабруйскага раёна ў сямі метрах ад берага быў знойдзены труп жанчыны 1978 года нараджэння. Яе цела было ў вадзе ў верхняй вопратцы. Жанчына з’яўлялася жыхаркай вёскі Сычкава і нідзе не працавала. З гэтага ж вадаёма ратавальнікі дасталі таксама труп мужчыны 1968 года нараджэння, што быў сужыцелем жанчыны. Зараз праводзіцца праверка па факту гібелі – паведамляе прэс-служба МНС.

Цела яшчэ аднаго чалавека было выяўлена ў рацэ Ольса ў Клічаве. Вядома, што мужчына 1958 года нараджэння днём 7 літапада пайшоў на рыбалку і не вярнуўся. Яго труп ратавальнікі знайшлі ў вадзе каля берага ракі, у верхняй вопратцы.

Фота: МНС

У Бабруйску закладчыцамі сталі маці ў дэкрэце і яе 18-гадовая сяброўка

Навіна ад

Дзве жанчыны 23 і 18 гадоў былі затрыманыя аператыўнікамі наркакантролю Бабруйска. Старэйшая з жанчын пры гэтым знаходзіцца ў адпачынку пасля нараджэння дзіцяці. Абедзьве фігуранткі набывалі ў наркамаркеце вялікія партыі альфа-PVP, фасавалі і пакідалі ў закладках – паведамляе прэс-служба абласнога УУС. Пры жанчынах і ў схованках было знойдзена 40 грамаў гэтага наркатычнага рэчыва. Зараз ім пагражае да 15 гадоў зняволення.

Фота: УУС, скрыншот

Пачалася рэканструкцыя галоўнай бальніцы Бабруйска, знакамітую мазаіку на ёй – знішчаць

Навіна ад

З будынка бабруйскай бальніцы імя У. Марзона ўжо выселілі ўсіх пацыентаў, будынак рыхтуюць да зносу – паведамляе bobr.by. На месцы старога чатырохпавярховага корпуса бальніцы плануецца пабудаваць новы, шасціпавярховы.  Разам са старым корпусам “марзонаўкі” знікне і самы пазнавальны бабруйскі арт-аб’ект – першая ў горадзе мазаіка, створаная мясцовым мастаком Сямёнам Абрамавым у 1968 годзе.

Галоўны герой на мазаічным пано – чалавек у медыцынскай масцы, які стаіць на варце грамадскага здароўя. Як толькі стала вядома аб зносе будынка, аўтар мазаікі выказаўся за захаванне свайго твора і нават прапанаваў варыянты. Але, відаць, да яго не прыслухаліся. Мазаіку разбяруць разам са сцяной, якую яна ўпрыгожвае.

Пра пагрозу знішчэння знакавага для Бабруйска арт-аб’екта mogilev.media пісалі яшчэ ў лютым гэтага года.

Вось як каментуюць чытачы рэсурса bobr.by навіну пра страту пано:

– Шкада, што знікне мазаічнае пано. Памятаю яго яшчэ з дзяцінства. І хоць гэты доктар у масцы з сэрцам у руках мне здаваўся далёка не самым добрым, усё ж аб’ект вядомы. У кожнага мастака сваё бачанне… Маглі б знайсці варыянты для захавання. Шкада, што горад губляе сваю самабытнасць і ўсё паступова зліваецца няхай і ў сучасна-адрамантаваную, але шэрую масу…

Фота: bobr.by

У Бабруйску затрымалі бутлегера з 500 літрамі алкаголю

Навіна ад

Моцны алкаголь без акцызных марак мужчына прадаваў у інтэрнэце – паведамляе прэс-служба абласнога УУС.

Супрацоўнікі АБЭЗ УУС Бабруйскага гарвыканкама выявілі 32-гадовага дырэктара фірмы з Мінска, які прадаваў у інтэрнэце моцны алкаголь без беларускіх акцызных марак. У яго канфіскавана амаль 500 літраў тавару на агульную суму больш за 21 тысячу рублёў. Цяпер яму пагражае штраф на 3 700 рублёў.

Фота: УУС, скрыншот

Бабруйчанка пашкадавала ў судзе свайго мужчыну і атрымала штраф 1 100 рублёў

Навіна ад

Крымінальную справу супраць жыхаркі Бабруйска завялі за ілжэсведчанне ў судзе – паведамляе Генеральная пракуратура.

Жыхарка Бабруйска ў сакавіку гэтага года выступала ў якасці пацярпелай на судовым пасяджэнні. На гэтым пасяджэнні разбіралі справу яе сужыцеля, які пагражаў жанчыне забойствам. На папярэдніх допытах бабруйчанка давала паказанні, з якіх віна мужчыны была відавочнай, тады як на судзе яна выступіла ў абарону сужыцеля і заявіла, што ніякіх злачынных дзеянняў супраць яе ён не здзяйсняў. Супярэчнасць у паказаннях была тут жа ўстаноўленая ў зале суда, пасля чаго на жанчыну была заведзеная крымінальная справа па артыкуле 401 ч. 1 Крымінальнага кодэкса Рэспублікі Беларусь.

Падчас разгляду справы ў судзе абвінавачаная не зьявілася на першае судовае паседжаньне. У выніку суд аб’явіў абвінавачаную ў вышук і прымяніў да яе стражэйшую меру стрымання ў выглядзе ўзяцця пад варту. На чарговае судовае паседжанне яна была дастаўленая канвоем са следчага ізалятара.

Падчас судовага разбору жанчына прызнала віну і раскаялася. Яна расказала, што ілжывыя паказанні ў якасці абвінавачанай дала з-за жалю да свайго сужыцеля. Ёй прызначалі пакаранне ў выглядзе штрафу ў памеры 30 базавых велічынь – 1 110 рублёў.

Фота ілюстрацыйнае

Бобруйчанин переборщил с празднованием рождения третьего ребенка

Навіна ад

И оказался в больнице, избитый тестем.

Рождение третьего ребенка 35-летний бобруйчанин начал праздновать еще до возвращения жены из роддома, сообщает телеграмм-канал “Обратная сторона”, забыв о том, что в его заботе нуждаются двое детей.

Когда проведать нерадивого папашу приехали тесть и теща, начался скандал, а затем и драка.

В итоге запойный глава семьи обратился в милицию, обвинив тестя в рукоприкладстве.

Праздник рождения нового члена семьи слегка омрачен: потерпевший попал на больничную койку, а против его тестя возбуждено уголовное дело за нанесение менее тяжких телесных повреждений.

Фото носит иллюстративный характер.

У Бабруйску перакуліўся аўтамабіль, людзей ратавалі хуткая і МНС

Навіна ад

Раніцай 1 лістапада ў Бабруйску каля бальніцы імя Марзона адбылося жорсткае ДТЗ – піша “Камерцыйны кур’ер”. Каля 8 гадзін на скрыжаванні вуліц Гогаля і Кастрычніцкай аўтамабіль Renault перакуліўся на левы бок. На месца здарэння прыбылі супрацоўнікі Дзяржаўтаінспекцыі, карэта хуткай і некалькі экіпажаў МНС. Па словах відавочцаў, людзей з іншамаркі ратавальнікі даставалі з дапамогай спецінструмента. На фота, распаўсюджаных відавочцамі, відаць што побач з перавернутай машынай ёсць яшчэ Mercedes. Ці з’яўляецца ён другім удзельнікам аварыі, пакуль невядома. Інфармацыі аб абставінах здарэння і пацярпелых пакуль няма. Магчыма, яна з’явіцца цягам дня.

Фота: komkur.info

Пад Бабруйскам таксі пратараніла маршрутку, пацярпелі двое

Навіна ад

“Раздаўся моцны ўдар, потым усё завалакло дымам, больш нічога не памятаю” – расказала выданню “Камерцыйны кур’ер” адна з пасажырак маршруткі.. Дзяўчына з Бабруйска, Аліна, сядзела на другім шэрагу, адразу за кіроўцай маршруткі. Салон мікрааўтобуса быў поўны пасажыраў, людзі вярталіся ў сталіцу пасля выходных.

У выніку ДТЗ дзяўчына атрымала моцны ўдар калена. У яшчэ адной пасажыркі, паводле папярэдніх звестак, траўма твару.

Як паведамляе прэс-служба абласнога УУС, 49-гадовы вадзіцель таксі на машыне Renault, рухаючыся з боку вёскі Сычкова, пры павароце налева ў напрамку вёскі Калініна не саступіў дарогу аўтамабілю Mercedes, маршрутнаму таксі.

На месца здарэння аператыўна прыбыў падменны мікрааўтобус. Тых з пасажыраў, хто змог працягваць шлях, забралі ў сталіцу. Астатніх вярнулі ў Бабруйск па дамах родныя і знаёмыя.

Наступствы ДТЗ маглі быць больш сур’ёзнымі. У багажніку “Рэно” быў размешчаны балон прыроднага газу.

Фота: komkur.by, УУС

Памёр вядомы бабруйскі этнограф і літаратуразнавец Аляксей Ненадавец

Навіна ад

28 кастрычніка ў Бабруйску на 65-м годзе жыцця памёр доктар філалагічных навук, прафесар Аляксей Ненадавец – паведамляе рэсурс bellit.info. Доўгі час ён змагаўся з анкалагічным захворваннем. Развітанне з ім пройдзе сёння ў 16.00 на Мінскіх могілках Бабруйска.

Аляксей Міхайлавіч Ненадавец нарадзіўся ў 1958 годзе ў вёсцы Чухава Пінскага раёна Брэсцкай вобласці. У 1980 годзе скончыў Гомельскі дзяржаўны ўніверсітэт. З 1992 года працаваў у Інстытуце мастацтвазнаўства, этнаграфіі і фальклору НАН Беларусі.

Ненадавец – вядомы даследчык беларускай міфалогіі, краязнаўства, фальклору, узаемасувязяў літаратуры з міфалогіяй. Працаваў загадчыкам кафедры грамадскіх дысцыплін і права Бабруйскага філіяла БДЭУ, пасля закрыцця якога ў 2017 годзе, наступныя шэсць гадоў працаваў на кафедры беларускай і рускай моваў БДЭУ.

Ён аўтар кніг «Святло таямнічага вогнішча» (1993), «Каму пакланяліся продкі» (1996), «Тэадор Нарбут» (1996), «За смугою міфа» (1999), «Сілаю слова: Чорная і белая магія» (2002), «Міфалогія. Духоўныя вершы», 2003 (кніга з серыі «Беларускі фальклор: Жанры, віды, паэтыка»).

Фота: gazeta-navuka.by