Бабруйскі наркакантроль затрымаў мясцовага 31-гадовага жыхара, які працаваў закладчыкам. За дзесяць дзён да гэтага мужчына звольніўся з асноўнай працы, каб займацца расфасоўкай і закладкамі. На кватэры ў бабруйчаніна знайшлі каля 200 грамаў асабліва небяспечных псіхатропных рэчываў. Паведамляецца, што мужчына і сам спажываў наркотыкі, а закладкі рабіў пад Бабруйскам і ў Гомельскай вобласці.
Фота: УУС аблвыканкама, скрыншот
Жыхары Кіраўска не сталі выклікаць ратавальнікаў і самі прыйшлі з сваім сабакам у аддзел МНС. Іх пёс заблытаўся ў ланцугу, на якім яго трымалі, і самастойна гаспадары вызваліць хатнюю жывёлу не здолелі. Супрацоўнікі МНС перакусілі ланцуг адбысловымі кусачкамі – паведамляе прэс-служба ведамства.
У пасёлку Глуша Бабруйскага раёна хатняя жывёла засунула галаву ў бочку і не змагла выцягнуць. Каб вызваліць сабаку, гаспадарам прыйшлося выклікаць ратавальнікаў, якія пры дапамозе спецыяльнага інструмента пашырылі адтуліну ў бочцы. Ніводная жывёла не пацярпела.
Фота: МНС
Continue reading “Жыхар Бабруйска набыў сабе бранявік-амфібію, каб катацца з сям’ёй на прыроду”
На сайте «БелЮрОбеспечения» появились объявления о продаже с аукциона торговых домов в Могилеве и Бобруйске, принадлежащих торговому дому «Стрелец», которым владел полоцкий бизнесмен Владимир Захаров, сколотивший свой стартовый капитал в 90-х, на торговле бананами. Размеры объектов впечатляют. Площадь торгового центра в Могилеве на улице Каштановой составляет 3778,7 квадратного метра, а в Бобруйске, на улице Ульяновской – 2678 квадратных метров. Стартовая цена продажи объектов 6,168 и 3,34 миллиона рублей соответветственно. Торги стартуют 30 мая.
Интересна личность бывшего владельца лотов, который некогда был одним из самых влиятельных бизнесменов в стране. Сегодня Владимир Захаров живет за границей, спасаясь от трех возбужденных против него уголовных дел, касающихся неуплаты налогов и дробления бизнеса. Когда делами Захарова всерьез занялся ДФР, предприниматель выставил на продажу более 30 объектов недвижимости и даже строчил покаянные письма Тертелю и Кочановой, в которых расписывал свои заслуги перед «партией и правительством» в 2020-м году.
В частности, Захаров напоминал высокопоставленным чиновникам о том, что на избирательном участке, расположенном в его торговом центре выборы прошли «без малейших признаков протестности», а в социальных сетях он «высказывался и писал о так называемой оппозиции не иначе как с издевательством, называя ее жопозицией». Кроме того, Владимир Захаров, пишет «Наша ніва» ставил себе в заслугу многолетнее «успешное» сотрудничество с КГБ и наблюдение за одной протестно настроенной новополоцкой предпринимательцей.
Стукач пытался откупиться от властей обещанием «…выступить генеральным спонсорами Национального олимпийского комитета и обеспечить выполнение задач, поставленных президентом в спортивной отрасли…»
«Принципиально-патриотическую» позицию Владимира Захарова, как мы видим, не оценили и судить его будут заочно. Ну, а сейчас уголовнику Захарову приходится ходить одними дорогами с политическими эмигрантами, которых он называл «жопозицией».
Фото: lenta.ru
У лютым 2023 года ў Бабруйску арыштоўвалі генеральнага дырэктара “Белшыны” Андрэя Бунакова – пісалі mogilev.media. Гісторыя з затрыманнем чыноўніка была рэзананснай – спачатку Бунакоў знік на некалькі дзён, потым яго адшукалі ў Следчым ізалятары, а потым пра чыноўніка выказаўся Лукашэнка. Пад час разбору сітуацыі з продажам бабруйскіх шын у Расію ніжэй за іх сабекошт, Лукашэнка быў абураны тым, што “бчб-шнікаў” садзяць у турму, а сваіх чыноўнікі прыкрываюць.
Учора беларускія і расійскія СМІ распаўсюдзілі інфармацыю, што Андрэй Бунакоў сустракаўся з губернатарам Мурманскай вобласці і абмяркоўваў будаўніцтва марскога порта для патрэбаў Беларусі ў гэтым рэгіёне. У адпаведнасці з пагадненнем аб намерах, шматфункцыянальны комплекс па перавалцы мінеральных угнаенняў, нафтапрадуктаў, а таксама кантэйнерных і іншых грузаў збіраецца ўзвесці на тэрыторыі новага порта “Лаўна” ў Мурманску кампанія “Марскі тэрмінал “Вароты Арктыкі”.
Прадпрыемства «Марскі тэрмінал «Вароты Арктыкі», якім кіруе Бунакоў, мае статутны капітал у 180 млн расійскіх рублёў. Яно было зарэгістравана 1 красавіка 2024 года ў Мурманскай вобласці. Уладальнікамі расійскай кампаніі выступаюць грамадзянка Беларусі Малярова Нэлі Барысаўна (ёй належыць 1%) і ТАА «Лагістык Энэрджы» (99%) – адна з буйнейшых беларускіх лагістычных кампаній. Пры гэтым 100% «Лагістык Энэрджы» належыць усё той жа Маляровай, пра якую больш нічога невядома – піша reform.by.
Фота: БелТА
Гарвыканкамы Магілёва і Бабруйска прынялі рашэнне зноў запусціць сістэмы ацяплення ў жылых дамах і будынках сацыяльнай інфраструктуры з 19 красавіка. Пра гэта паведамляюць тэлеграм-каналы “Магілёў – мой горад!” і “Гаворыць і паказвае Бабруйск”. Аднаўленне падачы цяпла ў жылы фонд звязана з перспектыўным прагнозам надвор’я і тым, што ўсталявалася сярэднесутачная тэмпература паветра ніжэй за +8 ℃.
20 красавіка пад Бабруйскам, на тэрыторыі былога срэльбішча побач з пасёлкам Юбілейны пройдуць гонкі на пазадарожніках. У праграме заяўлены 50 джыпаў і 20 квадрацыклаў. Пачатак спаборніцтваў – у 10.00.
У чатырох заездах прымуць удзел як пазадарожнікі часоў СССР, так і замежныя машыны. Прадугледжаны падзел удзельнікаў гонак па асобных катэгорыях – стандартныя аўтамабілі, мадыфікаваныя, спецыялізаваныя, а таксама квадрацыклы. Уваход вольны – паведамляе рэсурс bobr.by.
Фота ілюстрацыйнае
Скейт-пляцоўку ў Бабруйску, размешчаную паміж школамі №10 і №31 усталявалі тут два гады таму – мясцовыя актывісты выйгралі дзяржаўны грант на 25 000 рублёў і самастойна абсталявалі трасу. Аднак ужо адразу пасля адкрыцця аматары скейтбордынга адчулі подых варожасці, што сыходзіць ад невядомых. У тым жа 2022 годзе нехта абадраў з элементаў трасы металічныя лісты, выкінуўшы адзін з іх на тэрыторыі суседняй школы. Потым пачаліся заліванні трасы машынным алеем.
Мясцовы актывіст Данііл, які стаяў за ініцыятывай па стварэнні пляцоўкі, расказаў выданню bobr.by, што адзін з такіх інцыдэнтаў адбыўся проста перад спаборніцтвамі ў мінулым годзе. Тады хлопцам прыйшлося экстрана засыпаць пляцоўку пяском, каб ніхто са спартоўцаў не атрымаў траўму, паслізнуўшыся на элементах.
Заліванне трасы алеем паўтарылася на днях. Нехта невядомы пашкодзіў фігуры на пляцоўцы. Данііл адзначае, што скаргаў ад мясцовых жыхароў на тлум са спартовай пляцоўкі не паступала, пагэтаму цяжка здагадацца, хто так узненавідзеў іх месца для заняткаў. Пасля кожнага інцыдэнту былі напісаныя звароты ў міліцыю, але ніякага плёну гэта ўсё яшчэ не дало.
– Скейтбордынг і BMX-спорт цяпер вельмі папулярныя. У Бабруйску шмат таленавітых юнакоў, якія рыхтуюцца і выступаюць на сур’ёзных спаборніцтвах. Таму такія спартовыя месцы нам неабходны. – распавёў Данііл – Зімой хлопцы ездзяць трэніравацца ў Мінск на крытыя пляцоўкі, а вясной прыходзяць сюды. За дзень пляцоўку могуць наведаць каля 50 чалавек.
Фота: bobr.by
Паведамляецца, што шэсць машыністаў і памочнікаў машыніста з Бабруйска скаапераваліся з пяццю жыхарамі пасёлка Акцябрскі ў Гомельскай вобласці. На бязлюдным участку дарогі, калі яна праходзіла праз лясны масіў, жыхары Гомельшчыны падсаджваліся на цеплавоз і на хаду злівалі з яго дызельнае паліва, якое раней удавалася сэканоміць машыністам.
Для эканоміі яны ўносілі змены ў прыборы бяспекі цягніка. Набраўшы салярку ў пластыкавыя ёмістасці, налётчыкі скідвалі нарабаванае на зямлю і знікалі ў гарадскім пасёлку Акцябрскі. Пазней гэтае паліва распрадавалася па коштах ніжэй за рынкавыя. Усяго падобным чынам удалося скрасці каля 12,5 тон саляркі на суму больш за 29 тысяч рублёў. Характэрна, што за кожны рэйд машыністы паяздоў дадаткова дарылі налётчыкам ад сябе, у якасці бонуса, каністру саляркі на 20 літраў.
Чытаць яшчэ: Як у сучасным Магілёве адбылося коннае рабаванне цягніка.
Фота: СК, скрыншот
