Электрычнасць у Клайпедзе патаннела на 23 працэнты, і гэта яшчэ не канец

У сакавіку сярэдні аптовы кошт электраэнергіі ў Клайпедзе і па ўсёй Літве  патаннеў на 23% у параўнанні з лютым. Цяпер кошт кілавата складае 10,7 эўрацэнтаў – паведамляе atviraklaipeda.lt. Гэта стала магчыма дзякуючы цёпламу надвор’ю. Эксперты чакаюць далейшае зніжэнне коштаў і ў красавіку.

Па словах В. Фёдаровіча, начальніка Дэпартамента кіравання рызыкамі пастаўшчыкоў энергіі “Enefit”, на кошт энергіі ў сакавіку асабліва паўплывала зніжэнне попыту на электраэнергію для ацяплення, а таксама павелічэнне занятасці ветраных і сонечных паркаў электрастанцый.

Пішам, як вайна ва Ўкраіне ўплывае на жыццё еўрапейскіх гарадоў, якія маюць партнёрскія дачыненні з гарадамі Магілёўскай вобласці.

Паводле слоў В. Фёдаровіча, сярэднесутачнае спажыванне электраэнергіі ў краіне ў сакавіку знізілася. Верагодна, у красавіку яно таксама будзе зніжацца, а гэта – спрыяльны фактар для захавання стабільнага кошту на электраэнергію. Калі ў красавіку складуцца спрыяльныя ўмовы для павелічэння вытворчасці электраэнергіі з узнаўляльных крыніц энергіі, гэта створыць перадумовы для зніжэння імпарту.

У Беларусі на фоне увядзення ў дзеянне БелАЭС, многіх гідраэлектрастанцый, ветравых, сонечных установак, павялічэння магутнасцей і валавай выпрацоўкі электраэнергіі памяншэнне коштаў на электрычнасць не праглядаецца.

Дамова аб Пабрацімстве Клайпеды і Магілёва была падпісана 8 сакавіка 1997.

27 лютага 2022 году, на трэці дзень уварвання расійскіх войск ва Ўкраіну, мэр Клайпеды заявіў аб спыненні пабрацімскіх сувязяў з расійскімі і беларускімі гарадамі. Паводле яго ён звярнуўся да кіраўніцтва гарадоў партнёраў, каб тыя супраціўляліся агрэсіі супраць Украіны, але рэакцыі не было. У афіцыйным спісе гарадоў пабрацімаў Клайпеды Магілёва няма.

Магілёў. media працягвае сачыць за жыццём Клайпеды, нягледзячы на спыненне партнёрскіх сувязяў з Магілёвам са спадзевам, што пабрацімства між гарадамі адновіцца.

Клайпеда месціцца на захадзе краіны і з’яўляецца портам на Балтыйскім моры. Насельніцтва 160 тысяч чалавек.

Фота мае ілюстрацыйны характар

У Клайпедзе запусцяць водныя аўтобусы

Рух водных аўтобусаў плануецца запусціць па рацэ Данге ў Клайпедзе ўжо 15 мая. Але шмат будзе залежаць і ад умоў надвор’я і інфраструктуры прыпынкаў – паведамляе atviraklaipeda.lt.

Плануецца, што два рачных аўтобуса будуць выконваць 10 штодзённых рэйсаў, якія будуць ажыццяўляцца з 15 мая да 15 кастрычніка. 

Працягласць воднага маршруту па рацэ Данге складае 7,9 км. Мяркуецца, што яго можна будзе пераадолець за гадзіну. На маршруце абсталёўваецца 6 прыпынкаў: Стары горад, мост на Ліепу, Дангес вінгіс, жылы раён “Жаліну”, Батанічны сад і мост Таўралаўкіа.

Пішам, як вайна ва Ўкраіне ўплывае на жыццё еўрапейскіх гарадоў, якія маюць партнёрскія дачыненні з гарадамі Магілёўскай вобласці.

Гарадская рада Клайпеды вызначыла кошт электроннага аднаразовага квітка на водны аўтобус: агульны – 3 еўра, ільготны па Картцы клайпедчаніна – 2,4 еўра.

Дырэктар «Клайпедас аўтабусу паркас» Вайдас Раманаўскас і часовы кіраўнік прадпрыемства «Клайпедас келейвініс транспартас» Андрус Самуйлавас добра разумеюць, што «Недастаткова праплысці па рацэ, трэба недзе спыніцца. Месцы прыпынкаў яшчэ рыхтуюцца».

Кіраўніцтва Клайпеды разумее, што праект рачнога аўтобуса будзе стратным, таму яно гатова на адпаведныя кампенсацыі і сёлета выдзеліць каля 50 000 еўра каб зрабіць карысць гараджанам і гасцям горада.

Дамова аб Пабрацімстве Клайпеды і Магілёва была падпісана 8 сакавіка 1997.

27 лютага 2022 году, на трэці дзень уварвання расійскіх войск ва Ўкраіну, мэр Клайпеды заявіў аб спыненні пабрацімскіх сувязяў з расійскімі і беларускімі гарадамі. Паводле яго ён звярнуўся да кіраўніцтва гарадоў партнёраў, каб тыя супраціўляліся агрэсіі супраць Украіны, але рэакцыі не было. У афіцыйным спісе гарадоў пабрацімаў Клайпеды Магілёва няма.

Магілёў. media працягвае сачыць за жыццём Клайпеды, нягледзячы на спыненне партнёрскіх сувязяў з Магілёвам са спадзевам, што пабрацімства між гарадамі адновіцца.

Клайпеда месціцца на захадзе краіны і з’яўляецца портам на Балтыйскім моры. Насельніцтва 160 тысяч чалавек.

Фота Марцінаса Вайнаруса.

Як валанцёры Клайпеды дапамагаюць Украіне

140 валанцёраў з Клайпеды, карэнныя літоўцы і бежанцы-украінцы, дапамагаюць Украіне, што змагаецца з расійскай агрэсіяй. Яны ткуць маскіровачныя сеткі і шыюць з рэштак тканін пасцельную бялізну для ўкраінскіх бальніц – паведамляе atviraklaipeda.

Усе валанцёры працуюць на грамадскіх пачатках, у свой вольны час, без ніякага ўласнага бюджэту, толькі за кошт дабрачыннасці і з выкарыстаннем абрэзкаў тканіны аднаго з гарадскіх прадпрыемстваў. Ва Украіну ўжо адпраўлены 35 маскіровачных сетак, больш за 500 пашытых камплектаў пасцельнай бялізны.

Пішам, як вайна ва Ўкраіне ўплывае на жыццё еўрапейскіх гарадоў, якія маюць партнёрскія дачыненні з гарадамі Магілёўскай вобласці.

 – Мы выкарыстоўваем вольны час, вольныя рукі і вольныя сэрцы валанцёраў – кажа кіраўнік валанцёраў, супрацоўнік суднарамонтнай кампаніі і былы дырэктар Міжнароднай украінскай школы ў Клайпедзе Я. Краўчанка.

Валанцёры працуюць нягледзячы на шматлікія праблемы, каб толькі паспрыяць перамозе Украіны. Напрыклад, яны не маюць свайго памяшкання пад працу. Да гэтага часу ім бясплатна выдзяляў вольнае месца адзін з гатэляў, цяпер наступіў турыстычны сезон і месца страчана.  

Зараз валанцёры шукаюць новы прытулак, новае памяшкане ў 100-200 квадратных метраў, бо трэба недзе арганізаваць рабочыя месцы, устанавіць рамкі для пляцення сетак і падораныя бізнэсмэнамі чатыры швейныя машынкі, каб выконваць шматлікія заказы з Украіны на іх прадукцыю.

Дамова аб Пабрацімстве Клайпеды і Магілёва была падпісана 8 сакавіка 1997.

27 лютага 2022 году, на трэці дзень уварвання расійскіх войск ва Ўкраіну, мэр Клайпеды заявіў аб спыненні пабрацімскіх сувязяў з расійскімі і беларускімі гарадамі. Паводле яго ён звярнуўся да кіраўніцтва гарадоў партнёраў, каб тыя супраціўляліся агрэсіі супраць Украіны, але рэакцыі не было. У афіцыйным спісе гарадоў пабрацімаў Клайпеды Магілёва няма.

Магілёў. media працягвае сачыць за жыццём Клайпеды, нягледзячы на спыненне партнёрскіх сувязяў з Магілёвам са спадзевам, што пабрацімства між гарадамі адновіцца.

Клайпеда месціцца на захадзе краіны і з’яўляецца портам на Балтыйскім моры. Насельніцтва 160 тысяч чалавек.

На фота: Я.Краўчанка на цырымоніі адкрыцця Міжнароднай украінскай школы. Фота Пальміры Март.

У Мікалаеўскай вобласці ліквідавана ўжо 13 500 боепрыпасаў, але гэта толькі кропля

На Мікалаеўшчыне піратэхнікі ўпраўлення надзвычайных сітуацый па стане на 4 красавіка знішчылі больш за 13 500 боепрыпасаў – паведамляе news.pn. Але,  гэта толькі невялікая частка ад таго, чым нашпігавана зямля з-за ўзброенай агрэсіі Расіі.

Пішам, як вайна ва Ўкраіне ўплывае на жыццё еўрапейскіх гарадоў, якія маюць партнёрскія дачыненні з гарадамі Магілёўскай вобласці.

Прадстаўнік ўпраўлення надзвычайных сітуацый кажа, што Украіна “з-за ўварвання расійскіх войскаў, апынулася ў лідэрах па забруджванні тэрыторый выбухованебяспечнымі прадметамі. Рознакаліберныя боепрыпасы, сярод якіх касетныя элементы, супрацьпяхотныя, супрацьтанкавыя міны, рэшткі бомб і ракет раскіданыя паўсюль… размініраванне праходзіць метр за метрам…– гэта цяжкая і карпатлівая праца, якая патрабуе шмат часу”.

Вялікая плошча сельскагаспадарчых угоддзяў, якія прызначаны пад засеў, застаецца ў вобласці непрыдатнай з-за выбухованебяспечных прадметаў.

На тэрыторыі вобласці працуе 20 піратэхнічных разлікаў з розных абласцей. Сапёры размініруюць аб’екты крытычнай інфраструктуры, эканомікі і суб’ектаў гаспадарання, працуюць у жылых кварталах, абследуюць сельскагаспадарчыя ўгоддзі.

“Улічваючы тое, што пасля мінулых войнаў да гэтага часу знаходзяць састарэлыя боепрыпасы, а прайшло ўжо шмат гадоў, можна толькі ўявіць колькі часу спатрэбіцца, каб прывесці ў бяспечны стан тэрыторыі нашай дзяржавы пасля баявых дзеянняў сучаснасці” – кажуць сапёры.

Пабрацімства Мікалаева з Магілёвам было замацаванае дамовай у 2009 годзе.

31 мая 2022 году мэр украінскага гораду заявіў, што Пагадненне аб пабрацімстве з Магілёвам скасаванае і выказаў спадзеў, што яно будзе адноўленае, калі Беларусь стане свабоднай.

Магілёў. media працягвае сачыць за жыццём Мікалаева, нягледзячы на спыненне партнёрскіх сувязяў з Магілёвам.

Мікалаеў месціцца за 65 кіламетраў ад Чорнага мора. Да вайны ў ім жыло 490 тысяч чалавек. Траціна з іх вымушана была пакінуць горад. Паводле Генштабу Узброеных сіл Украіны Мікалаеў адзін з асноўных кірункаў наступу расіян.

Яго рэгулярна абстрэльваюць, знішчаючы гарадскую інфраструктуру і змушаючы мясцовую ўладу капітуляваць. Прэзідэнт Украіны Уладзімер Зяленскі прысвоіў Мікалаеву ганаровае званне «Горад-герой».

У Літве не плануюць праводзіць выпускны экзамен па рускай мове з 2025 года

Міністэрства адукацыі, навукі і спорту прапануе з 2025 года больш не праводзіць дзяржаўны іспыт на атэстат сталасці па рускай мове як другой замежнай – паведамляе Atvira Klaipėda.

Пішам, як вайна ва Ўкраіне ўплывае на жыццё еўрапейскіх гарадоў, якія маюць партнёрскія дачыненні з гарадамі Магілёўскай вобласці.

Дзяржаўныя іспыты на атэстат сталасці будуць праводзіцца толькі па першых замежных мовах: англійскай, нямецкай, французскай. 

«Цяпер вучні могуць здаваць экзамен на атэстат сталасці па першай замежнай мове. Экзамены па другой замежнай мове не праводзіліся, за выключэннем рускай мовы. Мы лічым, што не павінна стварацца асаблівых умоў толькі для адной другой замежнай мовы. Таму мы прапануем не праводзіць больш іспыт па рускай як замежнай. Акрамя таго, рускамоўныя краіны не з’яўляюцца прыярытэтнымі ў вучобе або прафесійнай сферы, каб гэту мову трэба было б вылучаць з іншых другіх замежных моў. Вельмі важна забяспечыць, каб вучні вывучылі мову ЕС – англійскую, нямецкую, французскую – на ўзроўні не ніжэй В2», – кажа віцэ-міністр адукацыі, навукі і спорту Рамунас Скаўджус.

Віцэ-міністр паліткарэктна абышоў праблему выкладання рускай мовы, як мовы краіны-акупанта, тым больш, што выкладанне яе захаваецца ў рускіх нацыянальных школах. 

Дамова аб Пабрацімстве Клайпеды і Магілёва была падпісана 8 сакавіка 1997.

27 лютага 2022 году, на трэці дзень уварвання расійскіх войск ва Ўкраіну, мэр Клайпеды заявіў аб спыненні пабрацімскіх сувязяў з расійскімі і беларускімі гарадамі. Паводле яго ён звярнуўся да кіраўніцтва гарадоў партнёраў, каб тыя супраціўляліся агрэсіі супраць Украіны, але рэакцыі не было. У афіцыйным спісе гарадоў пабрацімаў Клайпеды Магілёва няма.

mogilev.media працягвае сачыць за жыццём Клайпеды, нягледзячы на спыненне партнёрскіх сувязяў з Магілёвам са спадзевам, што пабрацімства між гарадамі адновіцца.

Клайпеда месціцца на захадзе краіны і з’яўляецца портам на Балтыйскім моры. Насельніцтва 160 тысяч чалавек.

Фота з адкрытых крыніц, мае ілюстрацыйны характар

Мікалаеўцы на 400 дзень уварвання Расіі – “Нельга дараваць іх зверствы”

Медыйшчыкі мікалаеўскага Нацыянальнага універсітэта караблебудавання імя адмірала С. Макарава збіраюць доказы катаванняў і марадзёрства – паведамляе news.pn.

Пішам, як вайна ва Ўкраіне ўплывае на жыццё еўрапейскіх гарадоў, якія маюць партнёрскія дачыненні з гарадамі Магілёўскай вобласці.

Ніхто не забыты, нішто не забыта.

“Расійскія акупанты з першага дня поўнамаштабнага ўварвання на тэрыторыю Украіны забіваюць, калечаць, катуюць мірных грамадзян, гвалцяць жанчын, дзяўчат і дзяцей, руйнуюць дамы і марадзёрствуюць. Такое ні забыцца, ні прабачыць нельга.” – выкладчыкі і студэнты кафедры журналістыкі, рэкламы і PR-тэхналогій Мікалаеўскага ўніверсітэта караблебудавання пачалі праект “Не забудзем. Не даруем”, дзе будуць гісторыі-сведчанні людзей аб зверствах расійскіх вайскоўцаў. 

“Вайна змяніла нас”

“Вайна змяніла нас – і гэта факт. Мы сталі больш загартаванымі, мы сталі больш шанаваць жыццё і ненавідзець акупантаў. І гэтую лютасць кудысьці трэба выплюхваць. Менавіта таму, пасля чарговай паездкі на дэакупаваную тэрыторыю Баштанскага раёна Мікалаеўскай вобласці і Херсоншчыны ўзнікла ідэя стварыць журналісцкі праект, які будзе дакументаваць злачынствы Расіі, ён стане жывым сведкам жыцця людзей, якія перажылі акупацыю, катаванні, псіхалагічныя здзекі, якія бачылі на ўласныя вочы, як расійцы марадзёрствавалі і рабавалі іх край, як знішчалі і працягваюць знішчаць зямлю і ладзяць экацыд. Мы будзем казаць, як да гэтага часу расійскія войскі знішчаюць мірныя населеныя пункты і як гераічна людзі супрацьстаяць гэтым жудасным выклікам.

Гэты праект – гэта не проста сведчанні людзей, гэта доказы зверства расійцаў. І мы хочам, каб свет ведаў пра гэта. Ні забыцца, ні дараваць нельга” – кажуць ініцыятары праекта.

Праектам будзе ахоплена пераважна Мікалаеўшчына і Херсоншчына, магчыма, і Адэская вобласць.

Зараз матэрыялы размяшчаюцца на сайце універсітэта. Вядуцца перамовы аб размяшчэнні матэрыялаў у нямецкім выданні “Нойнкельн”. 

Нагадаем, што 29 сакавіка 2022 года расійскія акупанты ракетным ударам знішчылі 9-павярховы будынак Мікалаеўскай абласной адміністрацыі і забілі 37 чалавек.

Пабрацімства Мікалаева з Магілёвам было замацаванае дамовай у 2009 годзе.

31 мая 2022 году мэр украінскага гораду заявіў, што Пагадненне аб пабрацімстве з Магілёвам скасаванае і выказаў спадзеў, што яно будзе адноўленае, калі Беларусь стане свабоднай.

Магілёў. media працягвае сачыць за жыццём Мікалаева, нягледзячы на спыненне партнёрскіх сувязяў з Магілёвам.

Мікалаеў месціцца за 65 кіламетраў ад Чорнага мора. Да вайны ў ім жыло 490 тысяч чалавек. Траціна з іх вымушана была пакінуць горад. Паводле Генштабу Узброеных сіл Украіны Мікалаеў адзін з асноўных кірункаў наступу расіян.

Яго рэгулярна абстрэльваюць, знішчаючы гарадскую інфраструктуру і змушаючы мясцовую ўладу капітуляваць. Прэзідэнт Украіны Уладзімер Зяленскі прысвоіў Мікалаеву ганаровае званне «Горад-герой».

Фота: news.pn

120 прадпрыемстваў Мікалаева просяць дапамогі, каб аднавіць працу

У Мікалаеве наладжваецца эканамічнае жыццё і да гарадскіх уладаў звярнулася па дапамогу каля 120 малых і сярэдніх прадпрыемстваў – паведамляе news.pn.

Яны просяць дапамогу, каб аднавіць працу – гэтаму можа паспрыяць ААН.

Прадпрыемствы спрабуюць аднавіць дзейнасць і маюць патрэбу ў дапамозе фінансамі і абсталяваннем, а таксама ў рамонце і рэканструкцыі.

Пішам, як вайна ва Ўкраіне ўплывае на жыццё еўрапейскіх гарадоў, якія маюць партнёрскія дачыненні з гарадамі Магілёўскай вобласці.

Зараз збіраецца банк дадзеных такіх прадпрыемстваў, каб перадаць інфармацыю міжнародным партнёрам – ААН, UN DP (Праграма развіцця ААН), якія прагнуць перайсці ад закупкі ежы для людзей да дапамогі малому і сярэдняму бізнэсу, каб людзі зараблялі сродкі і куплялі гэтую ежу самастойна. 

– Мы падтрымліваем гэты падыход і ўсяляк будзем садзейнічаць гэтаму – паведаміў мэр Мікалаева Аляксандр Сянкевіч – А таксама выкарыстоўваем гэты час для ўмоўнай “хатняй працы” – сумесна з антыкарупцыйнай ініцыятывай ЕС ва Украіне пачынаем перагляд усіх рэгулятарных актаў. У выніку імкнемся даць бізнэсу камфортныя ўмовы вядзення спраў, празрыстасць працэсаў і памяншэнне выдаткаў. Без актыўнага бізнэсу ў Мікалаеве не атрымаецца ніякага імклівага аднаўлення.

Ён нагадаў, што пасля пачатку поўнамаштабнага ўварвання амаль усе буйныя прадпрыемствы закрыліся практычна адразу.

– Іншыя спыніліся, калі іх пачалі бамбіць. Ніводнае прадпрыемства не магло працаваць… Некаторых людзей адправілі ў вымушаны адпачынак. Тыя, хто выехаў за мяжу і не працаваў, таксама не атрымлівалі заробку. – распавёў мэр.

Пабрацімства Мікалаева з Магілёвам было замацаванае дамовай у 2009 годзе.

31 мая 2022 году мэр украінскага гораду заявіў, што Пагадненне аб пабрацімстве з Магілёвам скасаванае і выказаў спадзеў, што яно будзе адноўленае, калі Беларусь стане свабоднай.

Магілёў. media працягвае сачыць за жыццём Мікалаева, нягледзячы на спыненне партнёрскіх сувязяў з Магілёвам.

Мікалаеў месціцца за 65 кіламетраў ад Чорнага мора. Да вайны ў ім жыло 490 тысяч чалавек. Траціна з іх вымушана была пакінуць горад. Паводле Генштабу Узброеных сіл Украіны Мікалаеў адзін з асноўных кірункаў наступу расіян.

Яго рэгулярна абстрэльваюць, знішчаючы гарадскую інфраструктуру і змушаючы мясцовую ўладу капітуляваць. Прэзідэнт Украіны Уладзімер Зяленскі прысвоіў Мікалаеву ганаровае званне «Горад-герой».

У Мікалаеве абмяркоўваюць пяць праектаў па пасляваенным аднаўленні горада

Мікалаеву прапануюць пяць праектаў, якія дапамогуць аднавіць горад, пачынаючы ад жылых раёнаў да набярэжнай – паведамляе news.pn. 

Міжнародная каманда экспертаў адначасова з генпланам Мікалаева распрацоўвае пяць пілотных праектаў для  рэалізацыі – “Жылы мікрараён”, “Культурная спадчына”, “Прамысловасць і набярэжная”, “Інавацыйны раён”, “Зялёныя і грамадскія прасторы”.

Пішам, як вайна ва Ўкраіне ўплывае на жыццё еўрапейскіх гарадоў, якія маюць партнёрскія дачыненні з гарадамі Магілёўскай вобласці.

Жылы мікрараён

Ён уключае рэканструкцыю і мадэрнізацыю існуючых жылых дамоў і ўвядзенне новых жылых элементаў у схему забудовы. Пры рэгенерацыі будуць выкарыстаны палепшаная ізаляцыя для павышэння энергаэфектыўнасці, мадэрнізаваныя модульныя надбудовы для павелічэння колькасці паверхаў, абноўленая вертыкальная цыркуляцыя і актыўная генерацыя аднаўлення энергіі на ўзроўні кварталаў.

Рэканструкцыя жылля будзе адбывацца з ужываннем цыклічнага падыходу з выкарыстаннем мясцовай прамысловасці і перапрацоўкі смецця.

Культурная спадчына

Праект засяроджаны на рэканструкцыі цэнтра Мікалаева, на вяртанні гораду тэрыторыі, якая з’яўляецца асабліва значнай з гістарычнага і культурнага пункту гледжання.

Прамысловасць і набярэжная

Праект накіраваны на рэгенерацыю двух прамысловых аб’ектаў у прыбярэжнай зоне, на стварэнне новых грамадскіх прастор, аб’ектаў інфраструктуры, паркаў і іншых аб’ектаў змешанага выкарыстання для стымулявання эканамічнага развіцця і забяспячэння свабоднага доступу насельніцтва горада да набярэжнай.

Інавацыйны раён

Ён аб’яднае інавацыйны патэнцыял навуковых паркаў з сучаснымі падыходамі да стварэння мікрараёна. Будуць створаны новыя жылыя схемы, гнуткія шматкватэрныя будынкі, якія будуць садзейнічаць эканамічнаму развіццю горада дзякуючы інавацыйным даследчым кампаніям. 

Зялёныя і грамадскія прасторы

Праект накіраваны на перапланіроўку трох прыбярэжных тэрыторый са стварэннем новых грамадскіх паркаў, якія дапамогуць падтрымаць сетку зялёных зон, забяспечыўшы грамадзянам лепшы доступ да рэк, новых грамадскіх зон, новых месцаў для адпачынку каля набярэжнай. Горад атрымае стратэгію пераўтварэння набярэжнай у зялёную зону, якая будзе садзейнічаць пешаходнай даступнасці і актыўнай мабільнасці.

Архітэктары, інжынеры і міжнародныя кансультанты будуць распрацоўваць праекты, а потым маштабаваць вопыт на астатнюю тэрыторыю горада.

Замест дошкі ў гонар Пушкіна – новы мурал.

Пакуль гараджане абмяркоўваюць праекты рэканструкцыі пасляваеннага Мікалаева, у горадзе з’явіўся новы чарговы мурал – гэта анёл-захавальнік, які пралятае над горадам – піша інтэрнет-часопіс NikLife. 

Мурал намалявалі мастачкі Я. Кручыніна і А. Маркітан па эскізе 10-гадовай Е.Казярэвіч. Малюнак з’явіўся на месцы, дзе раней знаходзілася мемарыяльная дошка Пушкіну. Яна была дэмантаваная.

Пабрацімства Мікалаева з Магілёвам было замацаванае дамовай у 2009 годзе.

31 мая 2022 году мэр украінскага гораду заявіў, што Пагадненне аб пабрацімстве з Магілёвам скасаванае і выказаў спадзеў, што яно будзе адноўленае, калі Беларусь стане свабоднай.

Магілёў. media працягвае сачыць за жыццём Мікалаева, нягледзячы на спыненне партнёрскіх сувязяў з Магілёвам.

Мікалаеў месціцца за 65 кіламетраў ад Чорнага мора. Да вайны ў ім жыло 490 тысяч чалавек. Траціна з іх вымушана была пакінуць горад. Паводле Генштабу Узброеных сіл Украіны Мікалаеў адзін з асноўных кірункаў наступу расіян.

Яго рэгулярна абстрэльваюць, знішчаючы гарадскую інфраструктуру і змушаючы мясцовую ўладу капітуляваць. Прэзідэнт Украіны Уладзімер Зяленскі прысвоіў Мікалаеву ганаровае званне «Горад-герой».

Жаноцкі сімвал Клайпеды

У Міжнародны жаночы дзень, што адзначаўся на гэтым тыдні, у Клайпедзе не толькі дарылі цюльпаны і самаробныя паштоўкі мамам. Па ўсталяванай традыцыі, тут на 8 Сакавіка ўспаміналі выдатных жанчын у гісторыі Клайпеды і Клайпедскага краю.

Клайпеда сваю самую вядомую дзяўчыну – знакамітая скромніца старога Мемеля стала сімвалам Клайпеды, прайшоўшы праз амплуа музы паэта Сімона Даха. 

Гэта Аніцы з Таравы (1615–1685), скульптура якой упрыгожвае Тэатральны  пляц – паведамляе atviraklaipeda.lt.

Пішам, як вайна ва Ўкраіне ўплывае на жыццё еўрапейскіх гарадоў, якія маюць партнёрскія дачыненні з гарадамі Магілёўскай вобласці.

Сімон Дах упершыню ўбачыў яе, калі яна выходзіла замуж за святара Ёхана Партацыя, і закахаўся ў чужую нявесту з першага позірку. Пра сваё нязбытнае каханне Дах напісаў верш “Анхен з Таравы”. 

Аніке, як яе называюць абывацелі, перажыла трох сваіх мужоў і нарадзіла 11 дзяцей. Яе першынец Фрыдрых Партацый перакладаў Біблію і псалмы на літоўскую, і таму згадваецца як адзін з родапачынальнікаў літоўскага пісьменства. 

У сваю чаргу нашчадкамі Анхен аказаўся знакаміты пісьменнік Э. Гофман і журналістка і паэтка Агнес Мігель.

Хаця са смерці Аніцы прайшло ўжо больш за 300 гадоў, памяць аб ёй жывая. У разгар летняга сезона можна пачуць, як турысты з Германіі напяваюць песню пра Аніке з Таравы, складзеную на вершы паэта і прафесара Кёнігсбергскага ўніверсітэта Сімона Даха.

Дамова аб Пабрацімстве Клайпеды і Магілёва была падпісана 8 сакавіка 1997.

27 лютага 2022 году, на трэці дзень уварвання расійскіх войск ва Ўкраіну, мэр Клайпеды заявіў аб спыненні пабрацімскіх сувязяў з расійскімі і беларускімі гарадамі. Паводле яго ён звярнуўся да кіраўніцтва гарадоў партнёраў, каб тыя супраціўляліся агрэсіі супраць Украіны, але рэакцыі не было. У афіцыйным спісе гарадоў пабрацімаў Клайпеды Магілёва няма.

Магілёў. media працягвае сачыць за жыццём Клайпеды, нягледзячы на спыненне партнёрскіх сувязяў з Магілёвам са спадзевам, што пабрацімства між гарадамі адновіцца.

Клайпеда месціцца на захадзе краіны і з’яўляецца портам на Балтыйскім моры. Насельніцтва 160 тысяч чалавек.

Фота: Альгірдас Кубайціс

Клайпеда ўвайшла ў топ-5 лепшых гарадоў Зямлі

Партал Booking.com апублікаваў топ-10 самых гасцінных гарадоў свету. Клайпеда ў гэтым рэйтынгу займае ганаровае 5-е месца. 

Здавалася б, што аб’ядноўвае Клайпеду з тым жа шматмільённым Мехіка? 232 мільёны апытаных падарожнікаў сцвярджаюць, што менавіта тут турыстам рады, як нідзе ў свеце. І відавочна, што галоўны сакрэт гасціннасці – у мясцовых жыхарах.

Пішам, як вайна ва Ўкраіне ўплывае на жыццё еўрапейскіх гарадоў, якія маюць партнёрскія дачыненні з гарадамі Магілёўскай вобласці.

“Горад”, “Мора” і “Лес” – тры асноўныя восі партовага горада. І старая, і новая візуальная ідэнтычнасць сканструяваны на гэтай аснове – мяркуе мясцовы экскурсавод Крысціна Садаўскене, аўтар кнігі «Альтэрнатыўны клайпедскі гід».

Крысціна Садаўскене. Фота: Паўлюс Садаўскас

Што прыцягвае замежных турыстаў ў Клайпедзе, што могуць наведаць у горадзе магілёўцы.

Самыя наведвальныя аб’екты Клайпеды: узмор’е Куршскага заліва Балтыйскага мора, порт, Тэатральная плошча, паруснік «Мерыдыянас», Стары горад з яго скульптурамі, архітэктурай, гарадзішчам. Літоўскі марскі музей, Музей гісторыі Малой Літвы з яго філіяламі, гарадскі парк адпачынку, вуліца Саламеяс –  з мноствам дрэў, хмызоў, кветак, разнастайнасцю будынкаў розных архітэктурных стыляў, са старым будынкам былой настаўніцкай семінарыі (цяпер – факультэт сацыяльных і гуманітарных навук Клайпедскага ўніверсітэта). Наогул у горадзе аддаюць перавагу “павольнаму” турызму.

Фішка гарадскіх экскурсій.

У горадзе экскурсаводы імкнуцца не абмяжоўваюцца толькі афіцыйным бокам гісторыі, культуры, эканомікі Клайпеды, а дзяліцца з гасцямі і асабістымі гісторыямі гараджан аб іх месцах першага спаткання, аб дварах дзяцінства, сямейных кутках адпачынку, бо ў горадзе лічаць, што без асабістых гісторый горад – толькі дэкарацыя. 

Горад – гэта людзі, а не толькі будынкі, дрэвы, музеі, гістарычныя разваліны, могілкі.

Турыстам тут даюць пэўны набор фактаў, дат, архітэктурных стыляў, якія ажываюць у сувязі з рэальным жыццём гараджан, даюць гасцям магчымасць адчуць чалавечую сувязь з месцам.

Немалаважную ролю на экскурсіі адыгрывае гід – пасол свайго горада і краіны. Быць гідам – гэта не толькі задавальненне, але і вялікая адказнасць.

Менш бюракратыі, больш жыцця.

У Клайпедзе максімальна давяраюць культурнай і творчай супольнасці горада ў стварэнні адкрытых цэнтраў прыцягнення. Тут карыстаюцца правілам: менш бюракратыі, больш жыцця.

Дамова аб Пабрацімстве Клайпеды і Магілёва была падпісана 8 сакавіка 1997.

27 лютага 2022 году, на трэці дзень уварвання расійскіх войск ва Ўкраіну, мэр Клайпеды заявіў аб спыненні пабрацімскіх сувязяў з расійскімі і беларускімі гарадамі. Паводле яго ён звярнуўся да кіраўніцтва гарадоў партнёраў, каб тыя супраціўляліся агрэсіі супраць Украіны, але рэакцыі не было. У афіцыйным спісе гарадоў пабрацімаў Клайпеды Магілёва няма.

Магілёў. media працягвае сачыць за жыццём Клайпеды, нягледзячы на спыненне партнёрскіх сувязяў з Магілёвам са спадзевам, што пабрацімства між гарадамі адновіцца.

Клайпеда месціцца на захадзе краіны і з’яўляецца портам на Балтыйскім моры. Насельніцтва 160 тысяч чалавек.